پرسیار: کەسێک سەفەری نەکردووە دروستە زەکاتی پێ بدەم؟
وەڵام: زانایان دەڵێن هەر کەسێک سەفەری نەکردبێت زەکاتی پێ نادرێت لە بەشی ڕێبوار، کە ئەمە وتەی هەر چوار مەزهەبەکانە، چونکە:
١ـ ڕێبوار کەسێکی غەریبە هیچی بەدەستەوە نییە بۆ گەڕانەوە بۆ شاری خۆی، ئەو کاتە دەبێتە ڕێبوار کە سەفەر دەکات، ئەوەی هێشتا لەشاری خۆیەتی مسافر نییە. (الحاوي الكبير) للماوردي (٨/٥١٣)، (حاشية الروض المربع) لعبد الرحمن بن محمد بن قاسم (٣/٣٢١)، (الشرح الممتع) لابن عُثيمين(٦/٢٤٥).
٢ـ حوکمی سەفەر جێگیر نابێت بە نییەت بێ کردەوە. (المغني) لابن قدامة (٦/٤٨٥)، (كشاف القناع) للبهوتي (٢/٢٨٤).
لە حاڵەتێک دروستە ئەگەر هەژار بێت یان مسکین، ئەویش لەبەر هەژاری پێی دەدرێت.