سەردێری پرسیار: کەسێک ڕێبوارە و پارەی لانەماوە و خەڵک هەیە بەقەرز پێی دەدات، ئایا زەکاتی پێ دەشێت؟

بەرواری دانان :2023-04-02 کۆدی پرسیار:2799

پرسیار:

پرسیار: کەسێک ڕێبوارە و پارەی لانەماوە و خەڵک هەیە بەقەرز پێی دەدات، ئایا زەکاتی پێ دەشێت؟

دەقی وەڵام:

وەڵام: زانایان دەڵێن مەرج نییە ڕێبوار قەرز بکات ئەگەر خەڵکیش لەوشارە قەرزی پێ بدەن، دروستە زەکاتی پێ بدرێت لەم حاڵەتە، کە ئەمە وتەی زۆربەی زانایانە، وتەی حەنەفی و شافعی و حەنابلەیە، وتەیەکە لە وتەکانی مالکی، بەڵگە:

١ـ خوای گەورە دەفەرمووێت: (إِنَّمَا الصَّدَقَاتُ لِلْفُقَرَاءِ وَالْمَسَاكِينِ وَالْعَامِلِينَ عَلَيْهَا وَالْمُؤَلَّفَةِ قُلُوبُهُمْ وَفِي الرِّقَابِ وَالْغَارِمِينَ وَفِي سَبِيلِ اللَّهِ وَابْنِ السَّبِيلِ فَرِيضَةً مِنَ اللَّهِ وَاللَّهُ عَلِيمٌ حَكِيمٌ) [التوبة: 60].

ڕێبوار لەو کەسانەیە کە زەکاتی پێ دەشێت بە ڕەهایی (مطلق)ی، هیچ مەرجی دانەناوە ئەگەر توانای قەرز کردنی هەبێت زەکاتی پێ ناشێت.

٢ـ ئەمە منەت و نیعمەتی خوایە بۆ بەندەکانی، پێویست ناکات بچێتە ژێر منەتی هیچ کەسێک. (أحكام القرآن) لابن العربي (٤/٣٣٩).

٣ـ قەرز زیانی بۆی هەیە بۆ دانەوەی، ئەگەری ئەوە هەیە نەتوانێت بیداتەوە. (كشاف القناع) للبهوتي (٢/٢٨٤)، (الذخيرة) للقرافي (٣/١٤٩). 

لیستی بەشەکانی پرسیار و وەڵام