پرسیار: ڕێبوار (ابن سبیل) کێیە ئەوەی زەکاتی پێ دەشێت؟ دەکرێت پێناسەی ڕێبوار بکەن؟
وەڵام: (ابن سبیل): واتە: کوڕی ڕێگا، بە مسافر دەڵێن کوڕی ڕێگا لەبەر ڕۆیشتن و پابەند بوونی بە ڕێگاوە لە سەفەر، هەروەک چۆن بەو کەسەی زۆر لە شەودا دەردەچێت پێی دەڵێن: (ولد اللیل)، کوڕی شەو، هەروەها ئەوەی زۆر بەناو ئاودا دەڕوات دەڵێن: (ابن الماء).
ڕێبوار (ابن سبیل): کەسێکی غەریبە هیچی بەدەستەوە نییە بۆ گەڕانەوە بۆ شاری خۆی، ئەگەر چی لە شاری خۆی دەوڵەمەندیش بێت.
ابن قدامة ڕەحمەتی خوای لێ بێت دەفەرمووێت: (ڕێبوار زەکاتی پێ دەدرێت ئەگەرچی لەشاری خۆی دەوڵەمەندیش بێت، چونکە ناتوانێ بگەڕێتەوە و بگاتە مال و سامانی خۆی و سوودی لێ وەربگرێت، وەک ئەوە وایە مالی نەبێت). (المغني) لابن قدامة (٦/٤٨٥).