پرسیار: ئەگەر مروڤ بکەوێتە سەر سک و فکرەیەکی شەیتانی بۆ بێت و ئاوی لەشی بێتەوە دواتر بەئاگابێتەوە، ئایا کاریگەری لەسەر ڕۆژووی هەیە؟
وەڵام: زانایان دەڵێن:
١ـ دەبێت مرۆڤ چاو و گوێ و ئەندامەکانی تری لاشەی خۆی بپارێزێت لە حەڕام، و ئەسل لە ڕۆژوو ئەوەیە پارێزەر بێت بۆ ڕۆژووگر لە حەڕام و شەھوەت.
٢ـ زۆربەی زانایان دەلێن ئەگەر فکره بۆ مرۆڤ بێت و نەتوانێت لایبدات، ئەوە ڕۆژووی نەشکاوە، بەڵام ئەگەر بەدوای بیرکردنەوە بڕوات بە ئەنقەست بۆ ئەوەی مەنی بێتە خوارەوە ئەوە ڕۆژووی شکاوە، ئەو کات ھیچ جیاوازی نییە لە نێوان ئەمە و نەزەر کردن بۆ ئەوەی مەنی بێتە خوارەوە، زۆربەی زانایان دەڵێن بە ئەنقەست نەزەر کردن بۆ ئەوەی مەنی بێتە خوار ڕۆژوو دەشکێت، وە تەنھا ڕۆژوو گرتنەوەی لەسەرە و کەفارەت دانی لەسەر نییە، چونکە کەفارەت دان تایبەتە بە جووت بوون لە مانگی ڕەمەزان. (الموسوعة الفقهية) (٢٦/٢٦٧).
٣ـ ھەندێک زانا دەڵێن مەنی ھاتنەخوارەوە بەھۆی نەزەر کردن بە ئەنقەست ڕۆژوو دەشکێت، بۆیە باشتر ڕۆژوو بگریتەوە.
٤ـ ھەموو زانایان یەک دەنگن لەخەودا ئەگەر مەنی بێتە خوارەوە ڕۆژووی نەشکاوە بەڵکو تەنھا خۆشۆردنی لەسەرە.
٥ ـ ئەگەر ماچ بکات مەنی بێتە خوارەوە ئەوە ڕۆژووی دەشکێت بێ ئەوەی جیاوازی ھەبێت لە نێوان زانایان ئەوەی ئێمە بزانین. (المغني) لابن قدامە (٤/٣٦١).
٦ـ ئەگەر مرۆڤ بیری لە جووت بوون کردەوە و بە ڕۆژوو بوو، وە مەنی بێتە خوارەوە بێ ئەوەی ھیچ شتێک بکات و دەستی لێ بدات، بەڵکو تەنھا بیرکردنەوە بێت ڕۆژووەکەی بەمە ناشکێت نە لە مانگی ڕەمەزان و بێجگە لە ڕەمەزان، چونکە بیرکردنەوە لە دڵ تەنھا وەسواسە بەسەر دڵدا دێت، بەڵام ئەگەر جوولەی لەگەڵ بوو وەک یاری کردن بە شوێنی شەھوەت یان ماچ کردنی خێزانی خۆت تا مەنی دێتە خوارەوە ئەوە ڕۆژووی دەشکێت بەمەیان.