دەقی وەڵام:

وەڵام: زانایان سەبارەت بە تەکبیرەکانی جەژنی ڕەمەزان دەڵێن:

١ـ تەکبیر خوێندن بۆ جەژنی ڕەمەزان و قوربان سوننەتە لەسەر وتەی زۆربەی زانایان، وتەیەکی شاز هەیە بە واجبی دادەنێت. (المجموع) للنووي (٥/ ٤٠ـ٤١). 

٢ـ کاتی تەکبیر بە خۆرئاوابوونی کۆتا ڕۆژی ڕەمەزان و شەوی جەژن دەست پێ دەکات، کە ئەمە وتەی شافعی و حەنابلە و وتەیەکە لە وتەکانی مالکی و ابن حزم و ابن تیمیە و ابن باز و ابن عثیمینە.

٣ـ کۆتا کاتی تەکبیری جەژنی ڕەمەزان نوێژی جەژنە، کە ئەمە وتەی ڕاستی شافعی و وتەیەکە لە وتەکانی ئەحمەد و ابن باز و ابن عثیمینە.

٤ـ جەژنی ڕەمەزان هیچ تەکبیری (مقید)ی نییە "دوای نوێژەکان، کە ئەمە وتەی هەر چوار مەزهەبەکانە، چونکە نەقڵ نەکراوە لە پێغەمبەر و هاوڵان، ئەگەر ڕێگەپێدراو بوایا ئەنجامیان دەدا و نەقلیش دەکرا. (البيان) للعمراني (٢/٦٥٤)، (المجموع) للنووي (٥/٣٢).

٥ـ شێوازی تەکبیر هەر شێوازێک بێت مەجالی تێدایە، لەوانە: (الله أكبر، الله أكبر، لا إله إلا الله، والله أكبر ، الله أكبر، ولله الحمد)، یان (الله أكبر، الله أكبر، الله أكبر، لا إله إلا الله. والله أكبر ، الله أكبر، ولله الحمد).

٦ـ ئەم تەکبیرانە سوننەتن بۆ ژن و پیاو، لە مزگەوت و ماڵەوە و بازاڕ، پیاو دەنگی بەرز دەکاتەوە و ئافرەتیش دەنگی نزم دەکاتەوە.