پرسیار // کەسێک پارچە زەویەکی ھەیە بۆ مەبەستی بازرگانی نەی کڕیووە ، بەلکو بۆ خانوو دروست کردنی کڕیوە ، پاشان نییەتی گۆڕدرا و ویستی بفرۆشێت بۆ مەسرەف و پێداویستی خۆی ، ئایا زەکاتی لێ دەکەوێت ؟
وەلام // زانایان دەلێن زەکاتی لێ ناکەوێت .
ابن عثیمین ڕەحمەتی خوای لێ بێت دەفەرمووێت : (( ئەگەر پیاوێک پارچە زەویەکی ھەبێت بۆ ئەوەی کڕیوە تاکو خانووی لەسەر دروست بکات ، پاشان لەمە لایدا ویستی بیفرۆشێت نەک بۆ بازرگانی ، لەبەر ئەوەی پێویستی پێی نییە ، یان مرۆڤێک چەند پارچە زەوی ھەیە ھێشتۆتەوە بۆ بێجگە لە بازرگانی ، پاشان پێویستی پێی ھەبوو و نییەتی فرۆشتنی یەک پارچە زەوی ھەبوو بۆ پێویستی خۆی ، ئایا زەکاتی لەسەرە و لێی دەکەوێت ؟
وەلام / زەکات لێی ناکەوێت نە لە ئەمە و نە لە ھی پێشووتر ، چونکە نییەتی فرۆشتنی نەبووە بۆ بازرگانی ، بەلکو حالەتی یەکەم نییەتی ئەوەی ھەبوو پێویستی پێی نەبووە ، وە حالەتی دووەم نییەتی ئەوەی ھەبووە پێویستییەکانی خۆی پێ جێ بەجێ بکات ، پێچەوانەی کەل و پەلی بازرگانی ، چونکە چاوەڕێی قازانج دەکات نەک پێویستی پێی نەبێت ، ئەوەی بازرگانی لە ئەسلەوە ھیچ مەبەستی نییە ئیلا بۆ بازرگانی نەبێت . )) فتح ذي الجلال والإكرام ج٦ لاپەڕە ١٧٣ ــ ١٧٤
ــــــــــــــــــــــــــــــــــــــــــــــــــــــــــــــــــــــــــــ