دەقی وەڵام:

وەڵام: زانایان دەڵێن سووتاندنی قورئان ئەم سێ حاڵەتانەن:

١ـ ئەگەر قورئان بسووتێندرێت لەسەر کەم و کوڕی لە چاپ کردنی و هەلەی تێدا کرابێت، لەم حاڵەتە هیچی تێدانییە، بەلام دەبێ دوای سووتدنی ئایەتەکان نەخوێندرێنەوە.

٢ـ قورئان دەسووتێنێ هیچ کەم و کوڕی نییە و سەلامەتە، ئەمەیان دروست نییە چونکە بەزایەدانی مالە بە ناحەق.

٣ـ کەسێک قورئان دەسووتێنێ وەک ئیهانە کردن، ئەمەیان کوفرە و دەرچوونە لە دین و کەسەکە کافرە.

لەم ڕۆژگارەی ئێستا کە لە ولاتی کافرەکان قورئان دەسووتێندرێ نیشانەی پێش کەوتن و سەرکەوتنی ئیسلامە، چونکە لە ڕۆژی جەژن زۆری ژمارەی موسڵمانان دەبین بۆ نوێژی جەژن و جێ بەجێکردنی مەناسکەکانی حەج، بۆیە تەحەمولیان نەماوە پڕ دەدەنە شتێک موسڵمانان تۆڕە بکەن.

هەموو موسڵمانێک پێی ناخۆشە سووکایەتی بە خوا و پێغەمبەر و قورئان بکرێت، وە ڕقیشی لەو کەسەیە کە سووکایەتی پێیان دەکات، ئەوەی گرینگ بێت موسڵمان ئاگادار بێت ئەوەیە کە دوژمنانی ئیسلام پیلان دادەنێن بۆ ئەوەی شەر بە موسڵمانان بفرۆشن و نەهێلن بانگەوازی ئیسلام بەرەو پێش بڕوات، ئەم حاڵەتانە بە فرسەت دەقۆزنەوە بانگەوازی بانگخوازن ڕابگرن، بۆیە ئەم جۆرە حاڵەتانە نابێت پەلەی لێ بکرێت و گەنج بە حەماس چەک هەڵگرێت و خەڵک بکوژێت، موسڵمان دەبێ پێی ناخۆش بێت و هەلوێستی هەبێت، بەشێوەیەکی جوان ناڕەزایەتی خۆی دەرببڕێت و سکالا تۆمار بکات.

دژایەتی کردنی قورئان و سووتاندنی لەلایەن بێ دینەوە ئاماژەیە بۆ دوو شت:

١ـ کاریگەری قورئان لەسەر خەڵک، بەجۆرێگ کافر گوێی لێ دەبێت بێ ئەوەی هیچ لێی تێ بگات کاری تێ دەکات.

٢ـ زۆر بوونی ئەهلی قورئان و موسڵمانان و بەرەو پێش چوونیان و سەرکەوتنیان، ئەوان دەبینن موسڵمانان ئێجگار زۆر بوون بۆیە ڕقیان هەستاوە.

موسڵمان دەبێ لەم حاڵەتە بیرکاتەوە و لێ پێچینەوە لەگەڵ نەفسی خۆی بکات تا چەند قورئان دەخوێنێتەوە و تاچەند تێ دەگات، تا چەند تەفسیری قورئان دەخوێنێتەوە، هەول بدەین مناڵەکانمان فێری قورئان بکەین و دەست بە قورئان و سوننەتەوە بگرین.