پرسیار: حوکمی ماچ کردنی قورئان؟
وەڵام: سەبارەت بە ماچ کردنی قورئان زانایان دەڵێن:
١ـ زۆربەی زانایان بۆ ئەوە چوون ماچ کردنی قورئان ڕێگەپێدراوە، هەندێک زانای تر بۆ ئەوە چوون سوننەتە، هەندێک زانای تر بۆ ئەوە چوون بیدعەیە، مالکی یەکان بۆ ئەوە چوون مەکروهە قورئان ماچ بکەیت.
٢ـ ماچ کردنی قورئان لە هیچ هاوەڵێک نەقل نەکراوە جگە لە (عكرمة بن أبي جهل)، هەندێک دەڵێن صحیح نییە.
٣ـ هیچ بەڵگەی ڕاست نەهاتوو بۆ ماچ کردنی قورئان، بەڵام ئەگەر کەسێک ماچی بکات کاتێک بەردەبێتەوە وەک بەگەورە دانان هیچی تێدانییە، سەبارەت بە بەردەوام ماچ کردن نەکرێت باشترە، واللە ٲعلم.
٤ـ ڕێز و حورمەت و بەگەورە دانانی قورئان لە خوێندنەوە و کردەوە پێکردنە و تەسلیم بوونە بۆ قورئان نەک تەنها بە ماچ کردن و هەستانەوە سەر قاچە لەبەر قورئان.