پرسیار // دینی ئیسلام دینی ھۆکار گرتنە بەرە و پشت بەخوا بەستنە " واتە توکل " بۆچی فەرموودە ھاتووە سەبارەت بەو کەسانەی دەچنە بەھەشت بێ حساب و سزا دەفەمووێت : (( ئەوانەن کە داوای ڕوقیە لە کەس ناکەن و سوتان بەکارناھێنن وەک چارەسەر و ڕەش بین نین و پشتیان تەنھا بەخوا بەستووە . )) بۆچی نابێت داوای ڕوقیە لە کەس بکەیت لە کاتێک دا دروستە ؟
وەلام // زانایان دەلێن ڕاستە دینی ئیسلام دینی ھۆکار گرتنە بەرە و وە ڕوقیە کردن بێ ئەوەی داوا لەخەلک بکەیت دروستە ، وە داوا لە خەلک کردن بۆ ڕوقیە ئەویش دروستە بەلام باشتر وایە وازی لێ بھێنی و داوایان لێ نەکەیت کە ئەمە لە تەواوی تەوحیدە .
ابن عثیمین ڕەحمەتی خوای لێ بێت دەفەرمووێت : (( ھەندێک ڕیوایەتی مسلم ھاتوون دەلێن : " لا یرقون " واتە ڕوقیە ناکەن ، بەلام ئەم ڕیوایەتانە ھەڵەن ھەر وەک ابن تیمییە وا دەلێت ، چونکە پێغەمبەر سەلامی خوای لێ بێت ڕوقیەی کردووە وە جبریل روقیەی بۆ کردووە و عائیشە و ھەروەھا ھاوەلانی ڕوقیەیان کردووە .
واستفعل : بە مانای داوا کردنی کار دێت وەک استغفر ، واتە داوای لێ خۆش بوون ، واستجار طلب الجوار ، لێرەش استرقی ، واتە داوای ڕوقیە کردن ، واتە داوا لەکەس ناکەن لەسەریان بخوێننەوە لەبەر ئەم ھۆیانە :
(١) لەبەر بەھێزی پشت بەستنیان تەنھا بەخوا .
(٢) لەبەر عزەتی نەفسیان لە زەلیل بوون بۆ بێجگە لە خوا .
(٣) لەبەر ئەوەی پەیوەست بوون بە بێجگە لە خوای تێدایە . )) القول المفید .
صالح الفوزان خوا بیپارێزێت دەفەرمووێت : (( داوا لەکەس ناکەن کە لەسەریان بخوێننەوە ، بۆچی ؟ چونکە داوا کردنی ڕوقیە لە خەلک داوا کردنە لە خەلک ، وە داوا کردن لە خەلک زەلیلی تێدایە ، ئەوان بێ نیازن لە خەلک و پشت بە خوا دەبەستن ، ئەمەیان لە تەواوی تەوحیدە کە مرۆڤ داوا لە خەلک نەکات ، پیغەمبەر سەلامی خوای لێ بێت بەیعەتی لە ھەندێک ھاوەڵان وەرگرت کە داوا لە کەس نەکەن ، یەکێکیان ئەگەر قامچی بەر ببوایەوە لەسەر پشتی ئاژەڵەکەی بەکەسی نە دەگووت قامچیەکەم پێبدەوە ، چونکە دەیانویست بێ نیاز بم لە خەلک ، بەلام پرسیار کردن لە شتێک زانست بێت و کێشەت بۆ دروست بووبێت ئەمەیان لە ئەمە نییە و واجبە بپرسی ...... )) إعانة المستفيد
صالح ال الشیخ خوا بیپارێزێت دەفەرمووێت : (( " لا یسترقون " واتە داوای ڕوقیە لە کەس ناکەن ، چونکە ئەوەی داوای ڕوقیە لە خەلک دەکات دڵی بەدوای ئەو کەسە دەڕوات کە ڕوقیە دەکات ، ھەتا ئەمە لادەچێت لە ڕووی ھۆکارە کە دروستە ، ئەم نەفیەی فەرموودە باسی کردووە دەلێت : " لا یسترقون " چونکە خەلک زۆر دڵیان پەیوەستە بە ڕوقیە زیاتر لەوەی کە دڵیان پەیوەسە بە پزیشکی و شتی تر ، عەرەب لە سەردەمی نەزانین ـ کە ئەمە حالی زۆربەی خەلکە ـ پەیوەستن بە ڕوقیە ، دڵ پەیوەست دەبێت بە روقیە و بەو کەسەی ڕوقیە دەکات بۆی ، ئەمەش نەفی تەواوی پشت بەستن بەخوا دەکات " توکل " .
بەلام ئەوەی ھاتووە لە ھەندێ ڕیوایەت : " الذين لايرقون " واتە ئەوانەی ڕوقیە ناکەن ئەم ڕیوایەتە شازە ، چونکە ئەوەی ڕوقیە دەکات چاکە کارە بۆ کەسانی تر ، ئەوەی ڕاست بێت ئەوەیە کە " الذين لا یسترقون " )) التمھید لاپەڕە ٤٧
ــــــــــــــــــــــــــــــــــــــــــــــــــــــــــــــــــــــ