دەقی وەڵام:

وەڵام: زانایان دەلێن عاشورا سێ حالەتی ھەیە:

١ـ ڕۆژی عاشورا بەڕۆژوو دەبیت، ئەمەیان سوننەتە ئەگەر بە تەنیاش بگریت لەسەر وتەی ڕاستی زانایان، هەندێک زانای تر بۆ ئەوە چوون مەکروهە ڕۆژی دەیەم بەتەنیا بەڕۆژوو بیت.

٢ـ ڕۆژێک پێش عاشورا و لەگەڵ عاشورا پێکەوە بەڕۆژوو دەبیت، ئەمەیان سوننەتە بە یەک دەنگی هەر چوار مەزهەبەکان، بەڵگە:

ـ عن عبدِ اللهِ بنِ عبَّاس رَضِيَ اللهُ عنهما، قال: قال رسولُ الله (ﷺ): (لئِن بقيتُ إلى قابلٍ، لأَصُومنَّ التَّاسِعَ). رواه مسلم (١١٣٤).

لە عبد اللە بن عباس دەگێڕنەوە خوا لە هەردووکیان ڕازی بێت دەفەرمووێت: پێغەمبەری خوا (ﷺ) فەرمووی: (ئەگەر بمێنمەوە بۆ ساڵی داهاتوو ڕۆژی نۆیەمیش بەڕۆژوو دەبم).

٣ـ ڕۆژی سێ ڕۆژ بەڕۆژوو دەبێت (واتە: ٩،١٠،١١)، یان ڕۆژی (١٠،١١) بەڕۆژوو دەبێت، هەندێک زانا بۆ ئەوە چوون ئەمەش سوننەتە، چونکە:

ـ پێچەوانەی جولەکە کردنە، پێغەمبەری خوا (ﷺ) لەبەر ئەوە فەرموویەتی: (ئەگەر بمێنمەوە بۆ ساڵی داهاتوو ڕۆژی نۆیەمیش بەڕۆژوو دەبم)، بۆ ئەوەی پێچەوانەی جولەکە بکات، (٣) ڕۆژ بەڕۆژوو بوون یان ڕۆژی (١٠،١١) بەڕۆژوو بوون پێچەوانەی جولەکە کردن دێتەدی.

ـ بەشێوەیەکی گشتی سوننەتە لە مانگە حەڕامەکاندا بەڕۆژوو بیت.