پرسیار: ئایا جەهمی یەکان کافرن؟
وەڵام: زانایان و پێشینەکان خۆیان پاراستووە و بەدوور گرتووە لە کافر کردنی تاک و کۆمەڵێک مەگەر بەڵگەی ڕوون و ئاشکرا هەبێت لەسەر کافر کردنیان، زۆر لە پێشینەکان بۆ ئەوە چوون جەهمی یەکان کافرن، چونکە:
ـ دەڵێن قورئان دروستکراوە (مخلوق)ە.
ـ ڕوخسار و بینین و بیستن و زانست و سیفەت بۆ خوای گەورە جێگیر ناکەن.
ـ نازانن خوا لەکوێ ...
ئیمام بوخاری ڕەحمەتی خوای لێ بێت دەفەرمووێت: (سەیری وتەی جولەکە و گاور و مەجوسم کرد هیچ وتەیەکم نەبینی گومڕاتر بێت لە کوفری جەهمی یەکان). (خلق أفعال العباد) لاپەڕە (٣٠).
زۆربەی زانایان جەهمی یەکان کافر دەکەن لەبەر ئەوەی گومانەکانیان زۆر زۆر لاوازن، وەک ئەشاعیرە و خەوارج و کۆمەلەکانی تر نین، بەڵگەی ڕوون و ئاشکرا هاتوون لە قورئان و سوننەت دژی وتەیان، بۆیە زانایان دەڵێن شوێن کەوتەکانیان ئەگەر حەقیان بۆ ڕوون کراوە ئەوانیش هەمان حوکمیان بەسەر دەدرێت.