سەردێری پرسیار:حوکمی دەرچوونی مذى لە کاتی بەڕۆژوو بوون ؟

بەرواری دانان :2018-10-06 کۆدی پرسیار:302

پرسیار:

پسیار // ئەگەر کە سێک بە رۆژوو بێت گومانی هەبێت له دەرچوونی مذی یان منی ئایا رۆژووەکەی دەشکێت ؟

دەقی وەڵام:



وەلام// زانایان دەلێن دەبێت موسلمان جیاوازی نێوان منی و مذی بزانێت تاکو بۆی ئاسان بێت ، چونکه زۆر خەلک تووشی گومان دەبن لەبەر ئەوەی جیاوازی نێوان منی و مذی نازانن .

جیاوازی نیوان منی و مذی :

(۱) " منی " : ئاوێکی سپی و لینجه ، وە بۆنی نزیکه له بۆنی هەویر .

" مذی " : ئاوێکی بێ رەنگە وەک ئاو ڕوونە و بێ بۆنه .

(۲) " منی " : دەردەچێت به شێوەی فلیچقه و هەست بەخۆشی دەکەیت .

" مذی " : دەردەچێت بێ فلیچقه و هەست به خۆشی ناکەیت .

(۳) " منی " : دوای دەرچوون ھەست به خاوبوونەوە دەکەیت و شەهوەت دادەمرکێتەوه .

" مذی " : دوای دەرچوون هەست بە خاوبوونەوە ناکەیت و شەهوەت دانامرکێتەوه .

ئیمام النووی ڕەحمەتی خوای لێ بێت دەفەرمووێت : (( بۆ هەر كەسێک ئەم سێ نیشانانە بەسە بۆ ئەوەی بلێیت مەنی یه ، مه رج نییه هەمووی تێدا کۆببێته و وه ئەگەر هیچی تیدا نەبوو حوکمی بەسەر نادەیت کە منی یه ))

کەسێک به گومانه لەدەرچوونی منی و مذی ئەم دوو حالەتەیە :

حالەتی یەکەم // لە ڕۆژی ڕەمەزان لەخەو هەستاوه به گومانه له دەرچوونی ئاوێک نازانێت منی یه یان مذی یە ، لەم حالەتەدا رۆژووی پووچ نابێتەوه ئەگەر گومانیشی نه بێت ، واتە دڵنیا بێت که مەنی یه .

ابن قدامە ڕەحمەتی خوای لێ بێت دەفەرمووێت : (( هەر کەسێک لەخەودا تووشی لەش گرانی بێت رۆژووەکەی دروسته چونکه به ویستی خۆی نەبووه ، وەک ئەوه وایه شتێک بچێته ناو گەرووی وه لەخەو دابێت ))

ئەگەر بەگومان بوو دوای لەخەو هەستان ئایا ئەم تەڕاتییه منی یه یان مذی یه ، وتەی ڕاست ئەوەیە که ئەسل وایه تووشی لەش گرانی نەبووه ئیلا دلنیا بێت .

حالەتی دووەم // لەكاتی بێجگە لە خەو تووشی ئەم گومانە بوو نازانێت منی یە یان مذی یە لەم حالەتە بە مذی حیساب دەكرێت رۆژووی دروستە .

زانایانی اللجنة الدائمة پرسیاریان لێکرا سەبارەت بە كەسێک شتێکی لێ هاتە خوارەوە دوای ئەوەی یاری لەگەل خێزانی خۆی كردووە و بەڕۆژوو بوو ؟

لە وەلام دا دەلێن : (( ئەگەر رووداوەكە وابێت وەك ئەوەی تۆ باست كرد رۆژوو گرتنەوە لەسەر تۆ نییە و وە كەفارەت دانیشی لەسەر نی یە ، وە رەچاوی مانەوەی ئەسل دەكەیت چونكە ئەسل وایە تووشی لەشگرانی نەبوویت ئیلا دلنیا بێت ، ئەگەر جێگیر بوو ئەو تەڕاتییە منی یە لەسەر تۆ واجبە خۆت بشۆیت و ڕوژوو بگریتەوە بێ ئەوەی كەفارەت بدەی )) فتاوی اللجنة الدائمة ج۱٠ لاپەڕە ۲۷۳

پوختەی وەلامی زانایان :

(۱) ئەگەر دوای لە خەو هەستان لە رۆژی ڕەمەزان بە گومان بوو بێت نازانێ ئەم تەڕاتی یە منی یە یا مذی یە ، لەم حالەتە ئەسل وایە تووشی لەش گرانی نەبووە ئیلا دڵنیا بێت تەنها زەكەر و دوو هیلكەی لەگەلی دەشوات و دەست نوێژی هەلدەگرێت ، خۆ شۆردن واجب نییە لەسەری .

(۲) ئەگەر لە ڕۆژی رەمەزان تووشی لەش گرانی بوو بێت ڕۆژووی ناشكێت .

(۳) لە كاتی بێجگە لە خەو تووشی ئەم گومانە بوو بێت نازانێت منی یە یان مذی یە ، ئەوا بە مذی حیساب دەكرێت .

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

لیستی بەشەکانی پرسیار و وەڵام