پرسیار: کەسێک ئوتومبێلی کڕیوە لە کەسێک و پارەشی بە فرۆشیار داوە، کڕیار پێش ئەوەی بکڕێت نییەتی هەیە بە کەسێکی تر بفرۆشێت، بۆیە کڕیار مەرج دادەنێت لێت دەکڕم بەو مەرجەی من بفرۆشمە فلانە کەس، ئایا ئەم کڕین و فرۆشتنە دروستە؟
وەڵام: ئەم مەرج دانانە و سەرپشک بوونە دەبێت ماوەی بۆ دابنرێت، زانایان دەڵێن شێوەی دروست ئەمەیە: ئوتومبێلەکە دەکڕیت لەگەڵی ڕێک دەکەویت من سەرپشکم بۆ ماوەی سێ ڕۆژ یان هەفتەیەک، ئەگەر لەو هەفتەیە ئەو ئوتومبێلەت نەفرۆشت دەتوانی بۆی بگەڕێنیتەوە، ئەگەر کەوتە دوای هەفتە بۆت نییە بۆ بگەڕێنیتەوە یان کڕین و فرۆشتنەکە فەسخ بکەیتەوە، مەگەر فرۆشیار وەک چاکە لێت وەربگرێتەوە.