پسار // ئايا قووت دانی بلغەم رۆژوو دەشكێنێت ؟
وەلام // جیاوازی هەیە لە نێوان زانایان سەبارت بە قووت دانی بلغەم دوو وتە هەیە :
یەكەم // هەندیك زانا دەلێن قووت دانی بلغەم رۆژو دەشكێنێت .
دووەم // هەندیك زانای تر دەلێن قووت دانی بلغەم رۆژوو ناشكێنێت .
صالح الفوزان خوا بیپارێزێت دەفەرمووێت : (( بلغەم شتێکی بە بێزە مرۆڤ هەست بە ناخۆشی دەكات ، وە بلغەم دوو بەشە ، بەشی یەکەم بلغەم لەسەری مروڤەوە دێت و بەشی دووەم لە گەدەی مروڤەوە دێت هەردوو جۆری بلغەم لە مروڤ دێت بە ویستی مروڤ نییە ، ئەگەر هات دەبێت تف بكات ئەگەر بلغەم گەیشتە دەمی یان گەرووی دەبێت فرێ بدات ئەگەر بلغەم بێتە ناو دەمی دوای قووتی بدات بە ئەنقەست و بچێتەوە ناو گەدەی ، ئەوا رۆژووی پووچ دەبێت ))
ابن عثیمین ڕەحمەتی خوای لێ بێت دەفەرموێت : (( جیاوازی هەیە لە نێوان زانایانی مرجعی قورئان و سونەتە ، ئەگەر ئێمە بە گومان بین لە كردەوەیەك ئایا پووچە یان نە ؟
ئەسل وایە پووچ نی یە ، كەوایە قووت دانی بلغەم رۆژوو ناشكێنێت ئەوەی گرنگ بێت مروڤ واز لە بلغەم بهێنێت هەول نەدات لە خوارەوەی گەروو بهێنێتە ناو دەمی بەلام ئەگەر هاتە ناو دەمی با فرێ بدات جا چ بەروژوو بێت یان بێ روژوو بێت ، سەبارەت بە شكانی رۆژوو بە بەلغەم پێویستی بە بەلگەیە .....)) المجموعە فنتاوی ابن عثیمین ج۱۹ لاپەرە ۳٥٦
ابن عثیمین ڕەحمەتی خوای لێ بێت دفەموویت : (( وتەی ڕاست بلغەم ڕۆژوو ناشكێنێت هەتا ئەگەر بگاتە ناو دەم و قووتی بدات ، بەلام مروڤ نابێت قوتی بدات چونكە زانایان بە حەرامیان داناوە چونكە شتێکی بە بێزە نابێت مروڤ قوتی بدات )) القاء الباب المفتوح
شێخ الألبانی پسیار لێکراوە سەبارەت بە بلغەم لە لووت دێنە خوارەوە بۆ گەروو ئایا رۆژوو دەشكێنێت ؟
لە وەلام دا گوتی : لە لووتەوە راستەوخۆ بۆ گەروو رۆژوو ناشكێنێت ))
پوختەی وەلامی زانایان دەلێت :
(۱) بلغەم شتێکی بە بێزە ئەگەر هاتە ناو دەم دەبێت فرێ بدرێت بەلكو هەندێک زانا قووت دانی بە حەرام دادەنێن جا بەرۆژوو بێت یان نە .
(۲) قوت دانى بەلغەم ئەگەر بێ ویستی مروڤ بوو یان بە ئەنقەست نەبوو رۆژوو ناشكێنێت .
(۳) قووت دانی بلغەم ئەگەر لە ناو دەم بێت بە ئەنقەست قوتی بدات وتەی ڕاست ئەوەیە كە رۆژوو ناشكێنێت .
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ