پرسیار // ئایا بەکارهێنانی بخاخ بۆ کەسێک تووشی نەخۆشی ڕەبۆ بووە ڕۆژوو دەشکێنێت ؟
وەلام // زۆربەی زانایان دەلێن بەکارهێنانی بخاخ لە ڕۆژی مانگی ڕەمەزان ڕۆژوو ناشکێنێت ، کە ئەمە وتەی ڕاستە و وتەی ابن باز ، ابن عثیمین ، ابن جبرین ، زانایانی اللجنة الدائمة، ..... هتد ، بەلگە :
(۱) ئەسل وایە ڕۆژوو دروستە ئیلا بەلگە لە قورئان یان سونەت یان اجماع هەبێت یان قیاسێکی ڕاست .
(۲) بەکارهێنانی بەخاخ خواردن و خواردنەوە نییە بگات بە گەدە ، بەلکو هەوایە دەگات بە سییەکانی هەوا .
ابن عثیمین ڕەحمەتی خوای لێ بێت دەفەرمووێت : (( بەکارهێنانی بەخاخ دروستە بۆ ڕۆژووگر ، جا ڕۆژووەکەی هی ڕەمەزان بێت یان بیجگە لە ڕەمەزان ، لەبەر ئەوەی ئەم بەخاخە ناگات بە گەدە بەلکو دەچێتە ناو سیەکانی هەوا ، هەناسەی پێ هەلدەمژیت بە شێوەیەکی ئاسایی ، ئەمە وەک خواردن و خواردنەوە نییە ، نە خواردنە وە نەخواردنەوەیە بگات بە گەدە ، وە ئەوەی زانراو بێت ئەسل وایە ڕۆژوو دروستە ئیلا ئەگەر بەلگە هاتبێت لە قورئان یان سونەت یان اجماع یان قیاسێکی ڕاست . )) مجموعة فتاوی ابن عثیمین ج۱۹ لاپەڕە ۲۱۲
ابن باز ڕەحمەتی خوای لێ بێت دەفەرمووێت : (( بەخاخی هەوای ڕەبۆ ڕۆژوو ناشکێنێت ، چونکە هەوایێکە دەچێتە ناو سیەکان و خواردن نییە و پێویستی پێیەتی لە ڕەمەزان و بێجگە لە ڕەمەزان ))
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ