پرسیار: مەبەست لە وتەی پێغەمبەری خوا (ﷺ): (أقرؤهم لکتاب اللە) چییە؟
وەڵام: جیاوازی هەیە لەنێوان زانایان، دوو وتە هەیە:
یەکەم: هەندێک زانا بۆ ئەوە چوون وتەی: (أقرؤهم لکتاب اللە): مەبەست پێی لەبەرکردنی قورئانە، واتە: ئەوەی زۆرترین قورئانی لەبەرە، بە بەڵگەی فەرموودەی عمرو بن سلمة: (ولیؤمکم أکثرکم قرآنا)، کەواتە ئەم فەرموودەیە تەفسیری فەرموودەی ابن مسعودی کردووە.
دووەم: هەندێک زانای تر بۆ ئەوە چوون (الأقرأ)، مەبەست پێی جوانی خوێندنەوەیە، چونکە لەڕووی زمانەوانی یەوە ئەمە ماناکەیەتی، پێغەمبەری خواش (ﷺ) بەزمانی عرەبی قسەی کردووە، وتەی ڕاست وتەی یەکەمە، چونکە تەفسیری سوننەت بە سوننەت لەپێشترە بە تەفسیرکردن بە زمانەوانی. (أحکام الإمام والائتمام) لاپەڕە (١٥٧).