پسیار // ئافرەت بە ڕۆژووە پێش خورئاوا بوون هەستی بەئازاری حەیزە كردووە بەلام دوای بانگی مەغریب واتا خورئاوا بوون خوێنی حەیزە دەرچووە ئایا ڕوژووی دروستە ؟
وەلام // زانایان دەلێن حەیز جێگیر دەبێت بە بینینی خوێن نەک بە هەست كردن بە ئازاری پێشی تووش بوون بە حەیز .
ابن باز ڕەحمەتی خوای لێ بێت پسیار لێکراوە ئەگەر ئافرەت توشی حەیزە بێت دوای خورئاوا بوون بە ماوەیەكی كەم حوكمی رۆژووی چییە ؟
لە وەلامدا دەفەرمووێت : (( وەلامی ئێمە لەسەری رۆژووەكەی دروستە ئەگەر چی پێش خۆرئاوا بوونیش هەست بە ئازاری حەیز بكات ، بەلام دەبێت خوێن نەبینیت كە دەرچووە ئیلا دەبێت دوای خۆرئاوا بوون بێت ئەوا رۆژووەكەی دروستە ، ئەوەی رۆژوو پووچ دەكات دەرچوونی خوێنی حەیزە نەك هەستكردن بە ئازاری حەیزە ))
بەلام ئەگەر پێش خۆرئاوا بوون تووشی حەیز بوو خوێنی بینی ئەوا رۆژووی پووچ دەبێت دواتر دەبێت رۆژوو بگرێتەوە .
ابن عثیمین ڕەحمەتی خوای لێ بێت دەفەرموێت : (( ئەگەر حەیز لە ئافرەتدا بە دیاركەوت وە بە رۆژوو بوو ئەگەر پێش خۆرئاوا بوون بوو ئەگەر ماوەكەی كەمیش بێت رۆژووی پووچە و دەبێت رۆژووی بگرێتەوە ))
بەلام ئەگەر ئافرەت بە گومان بوو دوای خۆر ئاوابوون ئایا خوێنی حەیزەیە یان نە لەم حالەتە ئەسل وایە توشی حەیزە نەبووە خوێنەكە حەیز نی یە ئیلا بەلگەی ڕوون و ئاشكرای هەبێت .
ئەگەر ئافرەت پێش خۆرئاوا بوون هەستی بە ئازاری حەیز كرد وە بەرۆژووە لە كاتی خورئاوا بوون تووشی حەیز بێت دەلێن رۆژووی دروستە .
بەلام ئەگەر ئافرەتێک هەستی بە ئازاری حەیز بكات پێش خورئاوا بوون وە دوای خورئاوا بوون ماوەیەك بەسەرچوو ئینجا خوێن ببینێت ، نازانیت ئەم خوێنە هی پێش خۆرئاوا بوونە یان هی دوای خۆرئاوا بوونە ئەمەیان دەبێت رۆژوو بگریتەوە .
پوختەی وەلامی زانایان :
(١) حەیز جێگیر دەبێت بە دەرچوونی خوێن نەك هەست كردن بە ئازار .
(٢) هەر ئافرەتێک پێش خۆرئاوا بوون هەستی بە ئازری حەیزە بكات بەلام خوێن نەبینیت ئیلا دوای خورئاوا بون ئەوا روژوی دروستە.
(٣) هەر ئافرەتێک بەرۆژوو بێت پێش خورئاوا بوون ، خوێنی حەیز ببینێت ئەوا رۆژووی بەتالە و دەبێت بگرێتەوە.
(٤) هەر ئافرەتێک بەرۆژوو بێت لە كاتی خۆرئاوا بوون تووشی حەیز بێت ئەوا رۆژووی دروستە.
(٥) هەر ئافرەتێک بە گومان بوو ئایا خوێنی حەيزە یان نە ، لەم حالەتەدا ئەسل وایە تووشی خوێنی حەیز نەبووە ئیلا بەلگەی هەبێت .
(٦) ئافرەتێک هەستی بە ئازاری حەیزە بكات پێش خورئاوا بوون وە دوای خورئاوا بوون ماوەیەك بەسەرچوو ئینجا خوێن ببینێت نازانیت ئەم خوێنە هی پێش خۆرئاوا بوونە یان هی دوای خۆرئاوا بوونە ئەمەیان دەبێت رۆژوو بگریتەوە .
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ