دەقی وەڵام:

وەڵام: زانایان دەڵێن فەموودە هاتووە لەسەر ئەوەی نوێژی ئەم سێ کەسانە قبول نابێت، لەوانە:

ـ عن أبي أمامة رضي الله عنه قال: قال رسول الله (ﷺ): (ثلاثة لا تجاوز صلاتهم آذانهم العبد الآبق حتى يرجع، وامرأة باتت وزوجها عليها ساخط، وإمام قوم وهم له كارهون). رواە الترمذي وحسنه.

زانایان چەند وتەیان هەیە سەبارەت بەم فەرموودەیە:

١ـ هەندێک زانا بۆ ئەوە چوون ئەو بەندەی ڕایکردووە و ئەو ئافرەتەی پیاوەکەی لێی تۆڕەیە نوێژی سوننەتیان قبول نییە نەک نوێژی واجب، سەبارەت بەوەی پێش نوێژی دەکات نوێژی واجبی قبول نییە.

٢ـ هەندێک زانای تر بۆ ئەوە چوون باسی ئەو کەسەیە کە بە حەڵاڵ دەزانێت، لەم حاڵەتە هەر حەڕامێک حەڵاڵ بکرێت بێ بەڵگە کوفرە.

٣ـ هەندێک زانای تر بۆ ئەوە چوون نوێژی قبولە، مەبەستی فەرموودەکە ئەوەیە پاداشتی نوێژەکە بەرامبەر ئەو تاوانەیە، وەک ئەوە وایە نوێژی قبول نەبووبێت، چونکە هیچ پاداشت بۆی نەماوەتەوە.

٤ـ هەندێک زانای تر بۆ ئەوە چوون نوێژی قبول نییە بە قبول بوونێکی تەواو (کەم کوڕی هەیە)، یان کردەوەی بەرز نابێتەوە وەک بەرزبوونەوەی کردەوەی باش. (تحفة الأحوذي) للمبارکفوري.

زۆربەی زانایان بۆ ئەوە چوون هەر کەسێک تووشی ئەم سەرپێچیانە بێت واجبە لەسەری نوێژی واجب ئەنجام بدات، نابێت نوێژ تەرک بکات بە بیانۆی ئەوەی نوێژی قبول نییە.

سەبارەت بە ئیمامێک خەڵکانێک پێیان ناخۆشە پێش نوێژی بکات ئەمەیان باسی ئەو پێناخۆش بوونەیە کە بە حەق بێت نەک ناحەق، نموونە: ئیمام نوێژ درێژ دەکاتەوە یان نوێژ زۆر کورت دەکات نوێژخوێن لەگەلی مرتاح نییە و مافی ڕوکنەکانی نوێژی پێ نادات.