دەقی وەڵام:

وەلام // زانایان دەلێن گومانی تێدا نییە بئ ئومێد بوون له ڕەحمی خوا سیفەتی كافرەكان و گومڕابووەکانە ، بەلگە :

خوای گەورە دەفەرمووێت : (( إنَّه لا ييأس مِن روح الله إلا القومُ الكافِرون) يوسف / 87 ، واتە : چونکە مەگەر خوا نەناس و بێباوەڕان لە ڕەحم و میھرەبانی خوا بێ ھیواو نائومێد بن .

ئەم ئایەتە بەلگەیە بێ ئومێد بوون لە ڕەحمی خوای گەورە سیفەتی کافرەکانە ، بەلام لەگەڵ ئەوەش ناتوانیت بلێت ھەر کەسێک سیفەتێک لە سیفەتەکانی کافری تێدا بێت کافرە بە ھەموو شێوەیەک .

زانایان دەلێن بێ ئومێد بوون لە ڕەحمی خوای گەورە حالەت هەيه تووشى كوفر بووه و وه حالەتيش هەيه تووشى تاوانێک بووە لە تاوانە گەورەکان :

یەکەم / ئەگەر ئومێدى بەڕەحمى خوا نەما و باوەڕی وابوو خوا لێی خۆش نابێت يان له فلانه كەس خۆش نابێت وه ئينكارى رەحم و لێ خۆش بوونى خوا بكات ، ئەمە كوفره چونكه قورئانی بةدرۆ خستۆتەوە ، كه رەحمى خوا هەموو شتێكى گرتۆتەوه .

دووەم / ئەگەر ئومێدى بە ڕەحمی خوا نەما بە دووری دانا لێ خۆش بوون لەبەر گەورەى تاوان ، وە ئينكارى رەحم و لێ خۆش بوونى خوا ناكات ئەمە تووشى تاوانێكى گەوره بووه .

ابن عثيمين ڕەحمەتی خوای لێ بێت دەفەرمووێت : (( بێ ئومێد بوون لە ڕەحمی خوا دروست نییە چونکە گومانی خراپ بردنە بە خوا لە دوو ڕووەوە :

یەکەم / طعن دانە لە توانای خوای گەورە ، چونکە ھەر کەسێک بزانێت خوای گەورە بالادەستە بەسەر ھەموو شتێک ھیچ شتێک بە دوور نازانێت و بە دووری ناخات لە توانای خوای گەورە .

دووەم / طعن دانە لە ڕەحمی خوای گەورە ، چونکە ھەر کەسێک بزانێت خوای گەورە ڕەحیمە بە دووری نازانێت ڕەحمی پێ ببات ، لەبەر ئەوە ئەوەی بێ ئومێد بووە لە ڕەحمی خوای گەورە گومڕایە . )) قول المفید

صالح ال الشيخ خوا بیپارێزێت دەفەرمووێت : (( وَمَنْ يَقْنَطُ مِنْ رَحْمَةِ رَبِّهِ إِلا الضَّالُّونَ )) حجر "٥٦" واتە : ھەر کەسێک بێ ئومێد بێت لە ڕەحمی خوای گەورە ئیلا لە گومڕاوەکانە .

ئەمە بەلگەیە سیفەتی ئەوانەی گومڕا بوونە ئەوەیە کە بێ ئومێد بووینە لە ڕەحمی خوای گەورە ، وە ماناکەی ئەوە دەگەیەنێت کە سیفەتی تەقوادار و ھیدایەت دراوەکان ئەوەیە کە بێ ئومێد نابن لە ڕەحمی خوای گەورە ، بەلکو ئومێدیان ھەیە بە ڕەحمی خوای گەورە ، وە ھەردووک پێکەوە کۆکردنەوە خوف و رجاء واجبە لە ڕووی شەرعەوە ، ترسان عیبادەتە و ئومێد بوون بە ڕەحمی خواش عیبادەتە ، کۆبوونەوە پێکەوە لە دڵ دا واجبە ، دەبێت ئیلا ھەردووکیان پێکەوە کۆببنەوە لە دڵ دا تاکو عیبادەت دروست بێت . )) التمھید لاپەڕە ٣٦٨ ـــــــــــــــــــــــــــــــــــــــــــــــــــــــــــــــــــــــــــ