دەقی وەڵام:

وەڵام: جیاوازی هەیە لەنێوان زانایان سەبارەت بە زەکات دان بە بنکەکانی قورئانی پیرۆز، دوو وتە هەیە:

یەکەم: زۆربەی زانا بۆ ئەوە چوون زەکات پێی ناشێت، بەڵگە:

١ـ بنکەکانی قورئان ناچنە ژێر وتەی: (فی سبیل اللە)، مەبەست پێی جیهاد کردنه لە مەیدانی جەنگ، بۆیە دروست نییە زەکات بدرێت بە جگە لەو هەشت کەسانەی ئایەتەکە دیاریکردووە.

دووەم: هەندێک زانای تر بۆ ئەوە چوون زەکاتی زەکات پێیان دەشێت، بەڵگە:

١ـ خوای گەورە دەفەرمووێت: (وفی سبیل اللە)، هەموو جیهادێک دەگرێتەوە، جیهادی مەیدانی جەنگ و جیهادی زانست و فێرکردن، خەڵک فێری قورئان و تەفسیر و بیرباوەڕی پاک کردن دەچێتە ژێر جیهاد، بەتایبەتی بۆ ئەم سەردەمە کە گەورەترین جیهاد جیهادی زانسته.

٢ـ خوای گەورە دەفەرمووێت: (وجاهدهم به جهادا کبیر) [الفرقان:٥٢]، (بە) بۆ قورئان دەگەڕێتەوە، کە ئەمە وتەی ابن عباسه، خەڵک فێری قورئان و تەفسیر کردن و بانگەوازی کردن بە قورئان لە جیهادە هەرە گەورەکانە.

هەروەها ئایەتەکه دەفەرمووێت: (وفي سبیل اللە)، نەیفەرموو: (للمجاهدین)، بەڵگەیە مەبەست پێی هەموو شتێکە پەیوەست بێت بە جیهادەوە.

وتەی ڕاست زەکاتی پێ دەشێت، ئەوەی باسمان کردن باسی بنکەی قورئانە لەناو موسڵمانان، سەبارەت بە بنکە لەناو کافرەکان ئەمەیان پێویستترە و لەپێشترە زەکاتی پێ بشێت، واللە ٲعلم.