دەقی وەڵام:

وەڵام: زانایان سەبارەت بەمە دەڵێن:

١- ئەگەر إمام هەڵەی کرد هەڵەی ئیمام بۆ مأمویشە، دەبێت مأمویش سوجدە ببات لەگەڵ ئیمام لەسەر وتەی زۆربەی زانایان.

٢- زانایان دەڵێن هەر کەسێک ڕەکاعەتێک زیاد بکات بە ئەنقەست نوێژی بەتالە، ئەگەر ڕەکاعەتێک زیاد بکات سەهو بکات ئەم دوو حالەتەیە:

یەکەم: یان نوێژ خوێن دەزانێت هەلەی کرد لەناو نوێژ، لەم حالەتە واجبە لەسەری بگەڕێتەوە و لەسەر زیادە نەڕوات، ئەگەر لەسەر زیادە بڕوات نوێژی بەتالە، کاتێک لە زیادە گەڕاوە دەبێت تەحیات بخوێنێت ئەگەر نەی خوێندبێ، پاشان سوجدەی سەهو دەبات دوای سەلام دانەوە.

دووەم: یان نوێژ خوێن دوای سەلام دانەوە دەزانێت هەلەی کردووە، لەم حالەتە نوێژی دروستە و سوجدەی سەهو دەبات دوای سەلام دانەوە لەبەر ئەو زیادەی لە نوێژی ڕوویداوە.

٣- دەبێت مأمومەکان ئیمام ئاگادار بکەنەوە لەناو نوێژ ئەگەر هەڵەی کرد.

٤- ئەگەر دوای سەلام دانەوە هەستیان کردن ئیمام هەڵەی کردووە ئەمەیان دوو حاڵەتە:

یەکەم: ئەگەر ماوەیەکی زۆری بەسەردا ڕۆیشت بێت، ئەمەیان سوجدەی سەهو نابەن و نوێژیان دروستە.

دووەم: ئەگەر ماوەیەکی کەمی بەسەردا ڕۆیشت بێت، ئەمەیان سوجدەی سەهو دەبەن.

سەبارەت بەوانەی دەرچوون و نەیان زانیوە، ئەمانە نوێژیان دروستە.