پرسیار: حوکمی دانیشتن لەسەر حەریر و کردن بە فەرش؟
وەڵام: حەڕامە حەریر بکەیت بە فەرش و لەسەری دابنیشیت، کە ئەمە وتەی زۆربەی زانایانە، وتەی مالکی و شافعی و حەنابلە و هەندێک حەنەفی یە، لەبەر وتەی: (وأن نجلس علیە)، ئەم دەقە ئەگەر چی قسەی لەسەرە بەڵام زۆربەی زانایان کردەوەی پێ دەکەن، هەروەها پاڵ پشتی بۆ ئەمە:
- فەرموودەی معاویە دەفەرمووێت: پێغەمبەری خوا (ﷺ) فەرمووی: (لا ترکبوا الخز ولا النمار). أخرجە أبو داود (٤١٢٩)، وصححە الألباني في (صحیح سنن أبي داود (٢/٧٧٨).
واتە: (لەسەر حەریر و پێستی ئاژەڵی دڕندە دامەنیشن).
- هۆکاری حەڕام کردنی جل و بەرگ هەیە لە حەریر کردن بە فەرش.
- ئەگەر لەبەرکردنی حەریر حەڕام بێت مرۆڤ پێویستی پێیەتی ئەوە فەرش لەپێشترە حەڕام بێت.
- لەڕووی عەقلەوە معقول نییە شەرع زیاتر لە چوار پەنجەی حەڕام کردبێت و ڕێگەشی دابێت بۆ لەسەر حەریر دانیشتن و کردن بە فەرش.