پرسیار: دەکرێت ڕوونکردنەوە بدەن لەسەر ئەم فەرموودەیە: (خَلَقَ اللَّهُ آدَمَ عَلَى صُورَتِهِ)؟
وەڵام: عَنْ أَبِي هُرَيْرَةَ عَنْ النَّبِيِّ (ﷺ) قَالَ: (خَلَقَ اللَّهُ آدَمَ عَلَى صُورَتِهِ). رواە البخاري (٦٢٢٧) ومسلم (٢٨٤١).
واتە: لە ئەبو هوڕەیڕە دەگێڕنەوە خوا لێی ڕازی بێت فەرمووی: پێغەمبەری خوا (ﷺ) فەرمووی: (خوای گەورە ئادەمی دروستکردووە لەسەر شێوەی خۆی).
وتەی ڕاست مانای فەرموودەکە ئەوەیە خوای گەورە ئادەمی دروستکردووە لەسەر شێوەی خۆی (الرحمن)، ماناکەی چوواندن و تمثیل نییە، بەڵکو مەبەستی ئەوەیە ئادەمی دروستکردووە بیسەر و بینەرە و ڕوخسار و دەست و قاچی هەیە، بەڵام بینین و بیستن و قسەکردن و سیفەتەکانی تری ئادەم وەک هی خوای گەورە نییە، سیفەتەکانی هەمووی کەمالن و وەک هی دروستکراوەکان نین، هەروەک خوای گەورە دەفەرمووێت: (لَيْسَ كَمِثْلِهِ شَيْءٌ وَهُوَ السَّمِيعُ الْبَصِيرُ) [الشورى: 11].