سەردێری پرسیار: مەرجە هەموو مالێک ساڵێکی بەسەردا سوڕابێتەوە بۆ واجب بوونی زەکات؟

بەرواری دانان :2023-12-01 کۆدی پرسیار:3205

پرسیار:

پرسیار: مەرجە هەموو مالێک ساڵێکی بەسەردا سوڕابێتەوە بۆ واجب بوونی زەکات؟

دەقی وەڵام:



وەڵام: سوڕانەوەی ساڵ بەسەر مالدا مەرجە بۆ واجب بوونی زەکات، جگە لەم پێنج شتە نەبێت:

یەکەم: دانەوێلە و بەرووبووم کە سوڕانەوەی ساڵ مەرج نییە بەسەریدا، لەبەر وتەی: ﴿وَءَاتُواْ حَقَّهُۥ يَوۡمَ حَصَادِهِۦۖ﴾ [الأنعام: 141].

دووەم: قازانجی بازرگانی، چونکە:

- خوای گەورە دەفەرمووێت: ﴿يَٰٓأَيُّهَا ٱلَّذِينَ ءَامَنُوٓاْ أَنفِقُواْ مِن طَيِّبَٰتِ مَا كَسَبۡتُمۡ﴾ [البقرة: 267]

- موسڵمانان زەکاتی قازانجیان داوە کاتی سوڕانەوەی ساڵ بەسەر ئەسڵی مالەکەدا.

- قازانج تابعە بۆ ئەسڵەکەی.

سێیەم: بێچووی ئاژەڵەکان ئەوەی زیاد دەبێت، چونکە:

- پێغەمبەری خوا (ﷺ) خەڵکی ناردووە بۆ کۆکردنەوەی زەکات، پرسیاری ئەوەیان نەکردووە ئایا ئەم بێچووانە ساڵی بەسەردا سووڕاوەتەوە یان نە؟

- بێچوو فەرعە، فەرعیش حوکمی ئەسڵی هەیە.

چوارەم: خەزێنە، لە پێنج بەش یەک بەش زەکاتی لێ دەردەکەیت.

پێنجەم: هەنگوین، ئەویش وەک خەزێنە و دانەوێلە و بەرووبووم وایە. (فتح ذي الجلال والإکرام) لابن عثیمین (٦/١٠٧).

لیستی بەشەکانی پرسیار و وەڵام