دەکرێت پێناسەیەکی پوختی خەوارج بکرێت یعنی چی و لە چییەوە هاتووە؟
وەڵام: (الخوارج): لە زمانەوانیدا مانای دەرچوون دێت.
(الخوارج): لەڕووی شەرعەوە جیاوازی هەیە لە پێناسەکەی:
یەکەم: هەندێک زانا بۆ ئەوە چوون ئەو دەستەیە کە لەسەر پێشەوای موسڵمانان دەردەچن کە موسڵمانان لەسەر ئەو پێشەوایە ڕێکەوتوون لە هەر کاتێک و شوێنێک، کە ئەمە وتەی ڕاستە.
دووەم: هەندێک زانا بۆ ئەوە چوون تەنها ئەوانە دەگرێتەوە کە لەسەر ئیمام عەلی دەرچوون خوا لێی ڕازی بێت.
شهرستانی ڕەحمەتی خوای لێ بێت دەفەرمووێت: (هەر کەسێک دەربچێت بەسەی پێشەوای حەق کە کۆمەڵێک لەسەری ڕێککەوتوون پێی دەڵێن "خارجي"، جا دەرچوونەکە لە ڕۆژەکانی هاوەڵان بێت بەسەر خەلیفە ڕاشدەکان یان ئەوانەی دواتر یان پێشەوایانی تری ئیسلام لە هەموو کاتێک). (الملل والنحل) (١/١١٤).