پرسیار: کەسێک زانانێت سورەتی فاتیحە بخوێنێتەوە لەناو نوێژ، چ بکات؟
وەڵام: زانایان دەڵێن هەر کەسێک نەزانێت فاتیحە بخوێنێ، ئەم هەنگاوانەی لەسەرە:
١- ئەگەر بزانێت ئایەتی تر بخوێنێ لەم حاڵەتەدا دەبێت ئایەتی تر بخوێنێت، لەسەری واجبە بە قەد فاتیحە بخوێنێت نەک زیاتر، نموونە: کەسێک دوو ئایەتی لەبەرە، ئایەتێک لەو ئایەتانە بە قەد فاتیحە درێژە، لەم حاڵەتەدا تەنها لەسەری واجبە یەک ئایەت بخوێنێت، بەڵام ئەگەر هەردووکیان بخوێنێت باشترە.
٢- ئەگەر نەتوانێت هیچ قورئان بخوێنێت لەم حاڵەتەدا دەبێت زیکر بخوێنێت، وەک: (سبحان اللە، والحمدللە، ولا إلە إلا اللە، واللە أکبر، ولا حول ولا قوة إلا باللە العلي العظیم)، یان هەر زیکرێکی تر.
٣- ئەگەر هیچ زیکریش نەزانێت بە عەرەبی، لەم حاڵەتەدا زیکرەکە بە زمانی خۆی دەکات لەسەر وتەی ڕاستی زانایان.
٤- ئەگەر هیچ زیکر نەزانێت، لەم حاڵەتەدا دەبێت بوەستێت بە قەد سورەتی فاتیحە.