دەقی وەڵام:

وەڵام: زانایان سەبارەت بەمە دەڵێن:

١- چەند بەرامبەری پاداشت لە مەدینە تایبەتە بە مزگەوتی پێغەمبەری خوا نەک هەموو مزگەوتەکانی مەدینە، لەبەر وتەی: (في مسجدي هذا).

٢- بە مزگەوتی حەرام جیاوازی هەیە لەنێوان زانایان ئایا تایبەتە بە مزگەوتەکە یان هەموو مالەکان دەگرێتەوە، دوو وتە هەیە: یەکەم: هەندێک زانا بۆ ئەوە چوون هەموو سنوری حەرەم دەگرێتەوە، کە ئەمە وتەی ابن حزم و ئیمام النووي و ابن قیم و ابن بازە، بەڵگە:

- وشەی (مسجد الحرام) لە قورئاندا بیست و پێنج جار دووبارە بۆتەوە، چەند مانایەک هەلدەگرێت، لە هەندێک شوێن مەبەست پێی هەموو حەرەم بووە، لەوانە:

- خوای گەورە دەفەرمووێت: ﴿وَلَا تُقَٰتِلُوهُمۡ عِندَ ٱلۡمَسۡجِدِ ٱلۡحَرَامِ حَتَّىٰ يُقَٰتِلُوكُمۡ فِيهِۖ﴾ [البقرة: 191]

- خوای گەورە دەفەرمووێت: ﴿سُبۡحَٰنَ ٱلَّذِيٓ أَسۡرَىٰ بِعَبۡدِهِۦ لَيۡلٗا مِّنَ ٱلۡمَسۡجِدِ ٱلۡحَرَامِ إِلَى ٱلۡمَسۡجِدِ ٱلۡأَقۡصَا ٱلَّذِي بَٰرَكۡنَا حَوۡلَهُۥ لِنُرِيَهُۥ مِنۡ ءَايَٰتِنَآۚ إِنَّهُۥ هُوَ ٱلسَّمِيعُ ٱلۡبَصِيرُ١﴾ [الإسراء: 1]

خوای گەورە دەفەرمووێت: ﴿إِنَّ ٱلَّذِينَ كَفَرُواْ وَيَصُدُّونَ عَن سَبِيلِ ٱللَّهِ وَٱلۡمَسۡجِدِ ٱلۡحَرَامِ ٱلَّذِي جَعَلۡنَٰهُ لِلنَّاسِ سَوَآءً ٱلۡعَٰكِفُ فِيهِ وَٱلۡبَادِۚ﴾ [الحج: 25]

دووەم: هەندێک زانای تر بۆ ئەوە چوون تایبەتە بە مزگەوت، کە ئەمە وتەی طبري و ابن عثیمینە، بەڵگە:

- چۆن فەزل بۆ مزگەوتی مەدینە تایبەتە بە مزگەوت لە مەککەش بەهەمان شێوەیە.

- عن میمونة رضي اللە عنها: أن رسول اللە قال: (صلاة في مسجدي هذا أفضل من ألف صلاة فیما سواە إلا مسجد الکعبة)).

وتەی: (إلا مسجد الکعبة)، ڕوون و ئاشکرایە ئەم تایبەت مەندی یە تایبەتە بە مزگەوت نەک سنوری حەرەم.

باشتر وایە نوێژ لە مزگەوتی حەرام نوێژ ئەنجام بدەیت و ئاسانکاری نەکەیت یان تەمبەلی نەنوێنیت لە نوێژ ئەنجام دان بە جەماعەت.