پرسیار: حیکمەت لە حەرام بوونی پاداشت وەرگرتن لەسەر نێرینەی ئاژەڵ چوونە لای مێینە چییە؟ بۆچی حەرام کراوە؟
وەڵام: زانایان دەڵێن لەبەر ئەوە حەرام کراوە پاداشت وەربگریت چونکە:
- نازانیت مەبەستەکە دێتەدی یان نە، واتە: نازانیت ئاژەڵی مێینە بەو جووت بوونە سک پڕ دەبێت یان نە، نێرینەکە مەنییەکەی دەچێتە ناو ڕەحمی یان نە، کەواتە شتەکە دیار نییە پەیوەستە بە شەهوەتی نێرینەوە، ئەمەش جۆرێکی (غرر)ی تێدایە.
- جۆرێکە لە جۆرەکانی زیان گەیاندن و حەسوودی، لەبەر ئەوەی ئەگەر زیان بە ئاژەڵ نەکەوێت بۆ ڕێگری دەکەیت؟! زیان بە خاوەن ئاژەڵەکەش ناکەوێت، ئەمە بەڵگەیە ڕێگری دەکات ڕێگری فەزل و چاکە دەکات و حەسوودە، زیان بە ئابووری ئوممەت دەگەیەنێت، چونکە ئوممەت چەند مالی زیاد بێت و زۆر بێت بەهێزتر دەبێت. (فتح ذي الجلال والإکرام) (٩/١٣١).