سەردێری پرسیار:کەی نەزر کردن دەبێتە شیرک و چۆن ؟ 


بەرواری دانان :2018-09-27 کۆدی پرسیار:34

پرسیار:

پرسیار // کەی نەزر کردن دەبێتە شیرک و چۆن ؟ 


دەقی وەڵام:

وەلام // زانایان دەلێن نەزر عیبادەتێکە لە عیبادەتەکان ئەگەر بۆ بێجگە لە خوا بکرێت دەبێتە شیرک . ابن عثیمین ڕەحمەتی خوای لێ بێت دەفەرمووێت :(( نەزرکردن بۆ بێجگە لە خوا وەک ئەوە بلێیت : بۆ فلانەکەس نەزرێکم لەسەر بێت ، یان بۆ ئەم گۆرە نەزرێکم لەسەر بێت ، یان بۆ جبریل نەزرێکم لەسەر بێت . مەبەست پێی نزیک بوونەوە بێت لێیان ، وە نموونەی تری هاوشێوەی ئەمانە ، وە جیاوازی لە نێوان ئەمە و نەزری تاوان : نەزری بۆ بێجگە لەخوا ئەسلەن بۆ خوا نییە ، وە نەزری تاوان بۆ خوایە ، بەلام لەسەر تاوانێک لە تاوانەکان ، نموونە وەک ئەوەی بلێیت : نەزرێکم لەسەر بێت بو خوا فلانە شت بکەم لەسەر پێچی خوا بێت ، کەواتە نەزر بۆ خوایە وە مەنزور تاوانە ، نموونە هاوشێوەی ئەمە سوێند خواردن بە خوا لەسەر شتێکی حەرام ، سوێند خواردن بە خوا لەسەر حەرام کراو ، وەک : واللە دزی دەکەم ، حوکمی نەزر بۆ بێجگە لە خوا شیرکە ، چونکە عیبادەت کردنە بۆ نەزر بۆ کراو ( مەنزور )، ئەگەر عیبادەت بێت بۆ بێجگە لە خوا دەبێتە شیرک ، ئەم نەزرەی بۆ بێجگە لە خوا دانامەزرێت و کەفارەتی لەسەر واجب نابێت ، بەلکو شیرکە و دەبێت تەوبە لێی بکەیت وەک سوێند خواردن بە بێجگە لە خوا دانامەزرێت و کەفارەتی لەسەر نییە ، بەلام نەزری تاوان دادەمەزرێت وە نابێت وەفای پێ بکەی وە کەفارەتی سوێندی لەسەرە ، وەک سوێند خواردن لەسەر حەرام دادەمەزرێت و کەفارەتی لەسەرە. )) القول المفید ج۱ لاپەرە۳۱٦

زانایان دەڵێن نەزرکردن بۆ بێجگە لە خوا دوو حالەتە :

حالەتی یەکەم // نەزر دەکات بۆ بێجگە لە خوا ، وە نەزر بۆ کراو بە گەورە دادەنێت یان وای دەبینێت شیاوی عیبادەت کردنە یان باوەڕی وایە سوود و زیانی بە دەستە ، ئەمەیان شیرکی گەورەیە .

حالەتی دووەم // نەزر دەکات بۆ بێجگە لە خوا ، وە نەزر بۆ کراو بە گەورە دانانێت و وای نابینێت شیاوی عیبادەت بێت و باوەری وایە سود و زیان تەنها بە دەست خوایە ، ئەمەیان شیرکی بچووکە وەک سوێند خواردن بە بێجگە لە خوا ، ئەگەر ئەم بیرو باوەرە پاکەشی هەبێت ھەر دەبێتە شیرک . 

هەندێک زانا دەلێن نەزر کردن جیاوازە وەک سوێند خواردن نییە بە هەموو شێوەیەک شیرکی گەورەیە ، چونکە نەزر بە خالسی بۆ بێجگە لە خوا دەکرێت بەلام سوێند وانییە . پوختەی وەلامی زانایان : (١) نەزر کردن بۆ بێجگە لەخوا شیرکە و دانامەزرێت و دەبێت تەوبەی لێ بکرێت بە کەفارەت لا ناچێت . (٢) نەزر کردنی تاوان دادەمەزرێت ، و نابێت وەفای پێ بکرێت و دەبێت کەفارەتی سوێند بدات . (٣) کەسێک نەزر دەکات بۆ بێجگە لە خوا ، وە نەزر بۆ کراو بە گەورە دادەنێت یان وای دەبینێت شیاوی عیبادەت کردنە یان باوەڕی وایە سوود و زیانی بە دەستە ، ئەمەیان شیرکی گەورەیە .

(٤) کەسێک نەزر دەکات بۆ بێجگە لە خوا وە نەزر بۆ کراو بە گەورە دانانێت و وای نابینێت شیاوی عیبادەت بێت و باوەری وایە سود و زیان تەنها بە دەست خوایە ، ئەمەیان شیرکی بچووکە وەک سوێند خواردن بە بێجگە لە خوا ، ئەگەر ئەم بیرو باوەرە پاکەشی هەبێت ھەر دەبێتە شیرک . 

هەندێک زانا دەلێن نەزر کردن جیاوازە وەک سوێند خواردن نییە بە هەموو شێوەیەک شیرکی گەورەیە ، چونکە نەزر بە خالسی بۆ بێجگە لە خوا دەکرێت بەلام سوێند وانییە . (٥) وەفا کردن بە نەزر ئەگەر شیرک بێت واتە کردەوەکە شیرک بێت ، ئەمەیان گومانی تێدا نییە کە شیرکە لەبەر کردەوەی شیرکی ، وە نەزر کردن بە وتەش بۆ بێجگە لەخوا ئەگەر چی وەفاش پێی نەکرێت گومانی تێدا نییە کە شیرکە ، کەواتە نەزر کردن تەنھا بە وەفا پێکردن نابێتە شیرک بەلکو بە وتەش بۆ بێجگە لە خوا شیرکە . ــــــــــــــــــــــــــــــــــــــــــــــــــــــــــــــــــــــ

لیستی بەشەکانی پرسیار و وەڵام