پرسیار: دروستە باوک زەکات بدات بە کوڕ ئەگەر قەرزار بێ؟
وەڵام: زانایان سەبارەت بەمەدەڵێن:
١ـ نابێت زەکاتی واجب بدەیت بە دایک و باوک بەرەو سەرەوە و نابێت بدەیت بە منالەکان بەرەو خوارەوە، ابن منذر دەفەرمووێت: ھەموو زانایان یەک دەنگن نابێت زەکات بدەیت بە دایک و باوک لەو حالەتەی کە لەسەری واجبە مەسرەفیان بکات، چونکە ئەگەر زەکاتیان پێ بدات پێویستیان بە مەسرەف نابێت و مەسرەف لەسەر لادەچێت و سوودی بۆ خۆی دەگەڕێتەوە ھەروەک ئەوە وایە بۆ خۆی سەرف کردبێت. (المغنی) (٢/٢٦٩).
٢ـ مالکی و شافعی و ابن تیمییە لە حەنابلە دەلێن زەکات دان نابێت ئەگەر دایک و باوک و منال فقیر و مسکین بن، بەڵام ئەگەر ئەگەر زەکات بدەیت بە باوکت یان کوڕت لەو کەسانە بن کە زەکات کۆدەکەنەوە یان یان بەندەن دەیانەوێ خۆیان ڕزگار بکەن یان قەرزارن یان جیھاد دەکەن ھیچی تێدا نییە و دروستە زەکاتیان پێ بدەیت. (الموسوعة الفقهية) (23/177).