پرسیار: زەویەکم کڕیوە نە بۆ بازرگانی و نە نییەتی خانوو دروست کردنم هەیە، ویستم بکڕم بۆ ئەوەی پارەکەم نەخۆم، ئایا زەکاتی لێ دەکەوێت؟
وەڵام: ئەگەر کەسێک پارچە زەویەک بکڕێت بۆ ئەوەی ببێتە ماڵێکی پارێزراو واتە بۆ پاراستنی ماڵ، ئەمەیان جیاوازی هەیە لەنێوان زانایان، دوو وتە هەیە:
یەکەم: هەندێک زانا بۆ ئەوە چوون زەکاتی لێ نادات مەگەر ئەم کارە بکات بۆ ئەوەی زەکات نەدات، لەم حالەتە زەکاتی لێ وەردەگیرێت، چونکە ئەسڵ وایە زەوی و زار مالێکە زەکاتی لێ ناکەوێت مەگەر نییەتی بازرگانی هەبێت.
دووەم: هەندێک زانای تر بۆ ئەوە چوون واجبە زەکات بدات، چونکە حسابی پارەی بۆ دەکرێت، ئەگەر بڵێی ناکەوێت خەڵکانێکی زۆر مالی خۆیان دەکەن بە زەوی و زار بۆ ئەوەی لە زەکات ڕزگار بن یان خۆیان دەدزنەوە.
وتەی ڕاست وتەی یەکەمە زەکاتی لێ ناکەوێت مەگەر کەسەکه نییەتی خۆ دزینەوەی هەبێت لە زەکات، واللە ٲعلم.