پرسیار: بۆچی ئەهلی بەهەشت دەبن بە میراتگری بەهەشت؟ نموونە لەم ئایەتە: (وَنُودُوا أَنْ تِلْكُمُ الْجَنَّةُ أُورِثْتُمُوهَا بِمَا كُنْتُمْ تَعْمَلُونَ)؟
وەڵام: وەسف کردنی ئەهلی بەهەشت کە دەبن بە میراتگری بەهەشت لەبەر دوو شتە:
١ـ ئەهلی بەهەشت دەبێتە میراتگری بەهەشتی کافر، چونکە خوای گەورە لە بەهەشتدا خانووی و شوێنی بۆ کافر دروستکردووە ئەگەر ئیمانی هێنابوایا، هەر کەسێک ئیمان نەهێنێت ئەوە شوێنەکەی دەبێتە شوێنی ئەهلی بەهەشت.
٢ـ لەبەر ئەوە چوونە بەهەشتی بە میرات وەسف کردووە چونکە چوونە بەهەشت بەخششێکە بە فەزل و ڕەحمەتی خوای گەورەیە نەک ماندوو بوونی بەندە، فەزلێکی سافە لەخواوە. (فتح الرحمن) للأنصاري (1/192)، (تفسير ابن عاشور) (8-ب/134).