پرسیار: لە نوێژی عیشا بە جەماعەت گەر تەحیات لەبیرکەیت پێش سەلامدانەوە دوو سوجدە کافیە ان شاء الله؟
وەڵام: تەحیات لەبیرکردن لە نوێژی جەماعەت بەدوای ئیمامەوە دوو حاڵەتە:
یەکەم: تەحیاتی یەکەم لەبیرکراوە، تەحیاتی یەکەم سوننەتە لەسەر وتەی زۆربەی زانایان ڕوکن نییە، لەسەر ئەمە ئەگەر لەبیر بکرێت نوێژی دروستە و ئیمام تەحەمولی هەڵەکە دەکات و پێویست بە سوجدەی سەهوش ناکات.
دووەم: تەحیاتی دووەم لەبیرکراوە، تەحیاتی دووەم واجبە و ڕوکنی نوێژە لەسەر وتەی شافعی یەکان و حەنابلە، هەر کەسێک تەرکی بکات نوێژی بەتاڵە، لەم حاڵەتە ئەگەر ئیمام سەلامی دایەوە و تەحیاتی نەخوێند ئەوکات دەست بە خوێندنەوەی تەحیات دەکەیت و دواتر سەلام دەدەیتەوە.