پرسیار: حوکمی دەرمان خواردن بۆ کەم کردنەوەی شەهوەت؟
وەڵام: دروستە چارەسەر وەربگریت بۆ لاوازکردنی ئارەزووی جووت بوون بە دەرمان و شتی تر، بەڵام ئەمەیان تەنها بۆ لاوازکردنی ئارەزووی جووت بوون نەک بڕینی شەهوەت بە یەکجاری کە قیاس دەکرێت لەسەر بەڕۆژوو بوون، سەبارەت بە بڕینی شەهوەت بە یەکجاری ئەمەیان دروست نییە لەبەر دوو شت:
- چونکە خوای گەورە بەڵێنی دەولەمەند بوونی داوە بەوانە کە توانای زەواجیان نییە ئەگەر خۆیان بگرنەوە لە حەرام، کەواتە توانای زەواجی هەیە نەک بێ ئومێد بووبێت و هیچ ڕێگەچارە نەبێت.
- هەموو زانایان یەک دەنگن لەسەر حەرامی خەساندن، هەروەها لادانی شەهوەت بە یەکجاری بە دەرمان قیاس دەکرێت لەسەر خەساندن کە دروست نییە.