دەقی وەڵام:

وەڵام: زانایان سەبارەت بەمە دەڵێن:

١ـ خوای گەورە کاتێک باسی ئیمانداری ئەم ئوممەتە دەکات دەفەرمووێت: (يَغْفِرْ لَكُمْ ذُنُوبَكُمْ).

ـ (يَا أَيُّهَا الَّذِينَ آمَنُوا هَلْ أَدُلُّكُمْ إلى قولِه: يَغْفِرْ لَكُمْ ذُنُوبَكُمْ) [الصف:١٠ـ١٢].

ـ (يَا أَيُّهَا الَّذِينَ آمَنُوا اتَّقُوا اللَّهَ وَقُولُوا قَوْلًا سَدِيدًا * يُصْلِحْ لَكُمْ أَعْمَالَكُمْ وَيَغْفِرْ لَكُمْ ذُنُوبَكُمْ) [الأحزاب:٧٠ـ٧١].

کاتێک باسی کافر دەکات دەفەرمووێت: (يَغْفِرْ لَكُمْ مِنْ ذُنُوبِكُمْ).

ـ (يَغْفِرْ لَكُمْ مِنْ ذُنُوبِكُمْ) [نوح:٤].

ـ (يَا قَوْمَنَا أَجِيبُوا دَاعِيَ اللَّهِ وَآمِنُوا بِهِ يَغْفِرْ لَكُمْ مِنْ ذُنُوبِكُمْ) [الأحقاف: ٣١].

٢ـ پیتی (مِنْ) لە وتەی: (يَغْفِرْ لَكُمْ مِنْ ذُنُوبِكُمْ)، مانای (تبعیض) هەلدەگرێت لەسەر وتەی هەندێک، واتە: لە هەندێک تاوانەکانتان خۆش دەبێت، سەبارەت بە شێوازی: (يَغْفِرْ لَكُمْ ذُنُوبَكُمْ) ئەو مانایە هەلدەگرێت کە لە هەموو تاوانەکانتان خۆش دەبێت، بۆیە زانایان دەڵێن (يَغْفِرْ لَكُمْ ذُنُوبَكُمْ) لە قورئاندا تەنها بۆ ئەم ئوممەتە بەکارهاتووە بۆ ئەوەی بەڵێنی ئەم ئوممەتە جیاواز بێ لە ئوممەتەکانی تر و فەزلی بەدیار بکەوێت، یان بۆ ئەوەی بەڵێنی ئیماندار و کافر جیاواز بێ. (تفسير القرطبي) (٩/ ٣٤٦ـ٣٤٧)، (تفسير ابن جرير) (١٣/٦١٠)، (تفسير الزمخشري) (٢/٥٤٣)، (تفسير ابن عطية) (٣/٣٢٨).

٣ـ سەبارەت بە لێخۆش بوونی هەندێک تاوان زانایان دەڵێن:

ـ مەبەست پێی لێخۆش بوونی شیرک و تاوانە لەنێوان خۆی و خوای گەورە، سەبارەت بە تاوانی نێوان خۆی و بەندەکان مافی خەڵک دەبێ بۆی بگەڕێنێتەوە.

ـ مەبەست پێی لێخۆش بوونە لە شیرک و هەندێک تاوان، هەندێک تاوانی تر لێی بێ دەنگ بووە و لەگەڵی دەمێنێتەوە لەژێر ویستی خوای گەورەدا دەبن. (تفسير ابن عطية) (٣/٣٢٨)، (أنموذج جليل في أسئلة وأجوبة عن غرائب آي التنزيل) لاپەڕە (٢٣٣ـ٢٣٤)، (تفسير البيضاوي) (٣/١٩٤).