پرسیار: حوکمی نەمیمە چییە؟
وەڵام: زانایان سەبارەت بەمە دەڵێن:
١ـ (النميمة):ْ نەقل کردنی قسەیە بۆ کەسێک یان کەسانێک تا فەساد بخاتە نێو خەڵکەوە. (شرح صحيح مسلم) للنووي (16/159).
٢ـ نەمیمە حەرامە بە بەڵگەی قورئان و سوننەت و یەک دەنگی ئوممەت. (مراتب الإجماع) لابن حزم لاپەڕە (156)، (الأذكار) للنووي (336).
٣ـ نەمیمە لە تاوانە گەورەکانە و هۆکارە بۆ:
ـ ڕق و کینە کەوتنە نێو موسڵمانان.
ـ سزای ناو گۆڕ.
ـ بێ بەش بوون لە بەهەشت. (فتاوى نور على الدرب لابن باز) جمع: محمد الشويعر (14/125)، (مجموع فتاوى ورسائل بن عثيمين) جمع وترتيب: فهد السليمان (9/524).
٤ـ ئەگەر قسە نەقڵ کردن پێویستی کرد حەرام نییە، وەک ئەوەی کەسێک ئاگادار بکەیتەوە کە کەسێکی تر دەیەوێت بتکوژێت یان زیانی پێ بگەیەنێت یان زیان بە مال و مناڵی بگەیەنێت، هەندێک جار ئاگادار کردنەوەی واجبە و هەندێک جاریش سوننەتە. (شرح النووي على مسلم) (2/ 113).