پرسیار: ئەم فەرموودەیە تا چەند ڕاستە: (لا يدخُلُ الجنَّةَ نمَّامٌ)؟ ئایا ئەوەی نەمیمە دەکات ناچێتە بەهەشت؟
وەڵام: عن حُذيفةَ رَضِيَ اللَّهُ عنه قال: قال رسولُ اللَّهِ (ﷺ): (لا يدخُلُ الجنَّةَ نمَّامٌ). رواه مسلم (١٠٥).
واتە: لە حوزەیفە دەگێڕنەوە خوا لێی ڕازی بێت فەرمووی: پێغەمبەری خوا (ﷺ) فەرمووی: (ناچێتە بەهەشت ئەوەی نەمیمە دەکات).
زانایان سەبارەت بەم فەرموودەیە دەڵێن:
١ـ مەبەستی فەرموودەکە ئەوەیە ئەوەی نەمیمە دەکات یەکسەر ناچێتە بەهەشت، سەرەتا سزا دەدرێت بە پێی تاوانەکانی دواتر دەچێتە بەهەشت. (القول المفيد على كتاب التوحيد) (٢/١٥).
٢ـ ئەم فەرموودەیە مەبەست پێی ئەو کەسەیە کە نەمیمەی بە حەڵاڵ دەزانێت، حەڵاڵ کردنی حەرام کوفر و لە ئایین دەردەچێت. (كشف المشكل) (١/٣٢٣)، (شرح صحيح مسلم) (٢/١١٣).
٣ـ ئەم فەرموودەیە وەک هەڕەشە باسیکردووە، ئەگەرنا موسڵمان بە تاوانی گەورە کافر نابێت و بێ بەش نابێت لە بەهەشت.