دەقی وەڵام:

وەڵام: زانایان سەبارەت بەمە دەڵێن:

١- حوکمی ڕۆژوو شکاندن بۆ نەخۆش: ڕێگەپێدراوە نەخۆش ڕۆژوو بشکێنێت لە مانگی ڕەمەزاندا، کە هەموو زانایان یەک دەنگن لەسەر ئەمە، ابن حزم و ابن قدامة و النووي و ابن تیمیة یەک دەنگی زانایان نەقل دەکەن.

٢- نەخۆشێک نەخۆشییەکەی زیاد دەبێت بە بەڕۆژوو بوون یان لەسەری گرانە: ئەمەیان دروستە ڕۆژوو بشکێنێت لەسەر وتەی زۆربەی زانایان، کە ئەمە وتەی حەنەفی یەکان و مالکی یەکان و حەنابلەیە.

٣- نەخۆشێک نەخۆشی زیانی پێ دەگەیەنێت و ترسی بە هیلاک چوونی هەیە: ئەمەیان واجبە ڕۆژوو بشکێنێت، کە ئەمە وتەی زۆربەی زانایانە، وتەی حەنەفی یەکان و مالکی یەکان و شافعی یەکان و کۆمەڵێک حەنابلەیە.

٤- نەخۆشییەکی کەم و سووک: کەسێک نەخۆش بێت بە نەخۆشییەک کەم و لەسەری گران نییە، وەک پەسیو و سەرئشەیەکی کەم، ئەمەیان حەڵاڵ نییە ڕۆژوو بشکێنێت بە یەک دەنگی هەر چوار مەزهەبەکان.

٥- ئەو نەخۆشەی ئومێدی چاک بوونەوەی هەیە چی لەسەرە: ئەگەر ڕۆژووی شکاندبێت لە ڕەمەزان واجبە لەسەری قەزا بکاتەوە دوای ڕەمەزان، کە هەموو زانایان یەک دەنگن لەسەر ئەمە، ابن حزم و ابن رشد و ابن قدامة یەک دەنگی زانایان نەقل دەکەن.

٦- ئەو نەخۆشەی ئومێدی چاک بوونەوەی نییە چی لەسەرە: ئەمەیان خواردن دەدات بە هەژار بۆ هەر ڕۆژێک، کە ئەمە وتەی هەر چوار مەزهەبەکان.

٧- حوکمی بەڕۆژوو بوونی ئەو نەخۆشەی ڕۆژوو لەسەری گرانە: ڕۆژووەکەی دروستە بە یەک دەنگی هەر چوار مەزهەبەکان. ٨- ئەگەر نەخۆش بەڕۆژوو بوو و هەر لەو ڕۆژەدا چاک بووەوە: ئەمەیان دوای چاک بوونەوە دروست نییە ڕۆژووەکەی بشکێنێت و لەسەریەتی ڕۆژووەکەی تەواو بکات، کە ئەمە وتەی حەنەفی یەکان و شافعی یەکان وحەنابلەیە.

٩- ئەگەر نەخۆش ڕۆژووەکەی شکاند و هەر لەو ڕۆژەدا چاک بووەوە، ئایا واجبە لەسەری خۆی بگرێتەوە لە خواردن و خواردنەوە: لەسەری واجب نییە خۆی بگرێتەوە لە خواردن و خواردنەوە دوای ڕۆژوو شکاندن ئەگەر چاک بووەوە، کە ئەمە وتەی مالکی یەکان و شافعی یەکان و وتەیەکە لە وتەکانی حەنابلە و ابن عثیمینە.