دەقی وەڵام:

وەڵام: زانایان سەبارەت بەمە دەڵێن:

١ـ حوکمی ڕۆژوو شکاندن بۆ مسافر: دروستە مسافر ڕۆژوو بشکێنێت بە یەک دەنگی هەر چوار مەزهەبەکان.

٢ـ حوکمی بەڕۆژوو بوون بۆ مسافر ئەگەر ڕۆژووی لەسەر گران نەبێت: ئەگەر ڕۆژووی لەسەر گران نەبێت یان بەڕۆژوو بوون و شکاندن بۆی وەک یەک بێت جیاوازی هەیە لەنێوان زانایان: ـ زۆربەی زانایان بۆ ئەوە چوون بەڕۆژوو بوون باشترە بۆی، کە ئەمە وتەی حەنەفی و مالکی و شافعی یەکان و ابن عثیمینە.

ـ شکاندن یان بێ ڕۆژوو بوون باشترە، کە ئەمە وتەی حەنابلە و ابن تیمیە و ابن بازە.

٣ـ حوکمی بەڕۆژوو بوون بۆ مسافر ئەگەر ڕۆژووی لەسەر گران بێت: ئەگەر ڕۆژووی لەسەر گران بێت ئەوە شکاندن باشترە، کە ئەمە وتەی هەر چوار مەزهەبەکانە.

٤ـ مانەوەی مسافر لەو شێونە چەند بۆی هەیە ڕۆژوو بشکێنێت: ئەگەر مسافر لە شوێنێک مایەوە زیاتر لە چوار ڕۆژ بۆی ڕێگەپێدراو نییە ڕۆژوو بشکێنێت، کە ئەمە وتەی زۆربەی زانایانە، وتەی مالکی و شافعی یەکان و حەنابلەیە.

٥ـ حوکمی ڕۆژوو بۆ ئەوانەی بەردەوام سەفەر دەکەن: ڕێگەپێدراوە بۆ ئەوانەی بەردەوام لەسەفەر دان ڕۆژوو بشکێنن، وەک ئەوەی شوفێری فڕۆکە و شەمەندفەر و ئوتومبێلی گەورە و شتی تری هاوشێوەی ئەمانە، کە ئەمە وتەی ابن تیمیە و ابن عثیمینە.

٦ـ قەزاکردنەوەی ئەو ڕۆژووانەی مسافر شکاندوویەتی: ئەگەر مسافر ڕۆژووی شکاند واجبە لەسەری ئەو ڕۆژووانە قەزا بکاتەوە بە یەک دەنگی هەموو زانایان، ابن حزم و ابن رشد و ابن قدامە یەک دەنگی زانایان نەقل دەکەن.

٧ـ حوکمی ڕۆژوو شکاندن بۆ مسافر ئەگەر لەسەفەر بوو و مانگی ڕەمەزانی بەسەردا هات: ئەگەر مانگی ڕەمەزان بەسەر مسافردا هات لە سەفەر دروستە ڕۆژوو بشکێنێت بە یەک دەنگی هەموو زانایان، ابن حزم و ابن قدامە یەک دەنگی زانایان نەقل دەکەن.

٨ـ ئەگەر لە شەودا سەفەر بکرێت: ئەگەر لە شەودا سەفەر بکات پێش بانگی بەیانی دروستە دوای بانگ یان ڕۆژەکە ڕۆژوو بشکێنێت، کە ئەمە وتەی هەر چوار مەزهەبەکانە.

٩ـ حوکمی ڕۆژوو شکاندن ئەگەر مسافر لە ڕۆژەکەدا سەفەری کرد: ئەگەر لە ڕۆژەکەدا سەفەری کرد لە شارەکەی خۆی دەرچوو دروستە بۆی ڕۆژوو بشکێنێت، کە ئەمە وتەی حەنابلە و موزنی لە شافعی مەزهەباکان و ابن منذر و ابن عثیمینە.

١٠ـ حوکمی خۆگرتنەوە لە خواردن لە ڕۆژەکەدا ئەگەر مسافر ڕۆژووی شکاندبێت: جیاوازی هەیە لەنێوان زانایان سەبارەت بەو ڕۆژەی ماوە واجبە لەسەری خۆی بگرێتەوە لە خواردن و خواردنەوە یان نە، دوو وتە هەیە:

ـ واجب نییە لەسەری خۆی بگرێتەوە ئەوەندە ڕۆژەی ماوە، کە ئەمە وتەی مالکی یەکان و شافعی یەکان و وتەیەکە لە وتەکانی حەنابلە و ابن عثیمینه.

ـ واجبە لەسەر خۆی بگرێتەوە خۆی بگرێتەوە، کە ئەمە وتەی حەنەفی و وتەیەکە لە وتەکانی شافعی یەکان و کۆمەڵێک پێشیەنەکان و ابن بازە.

١١ـ حوکمی سەفەر کردن مسافر بەو هۆکارانەی کە خۆشن و بارگرانیەکی ئەوتۆی تێدانییە: دروستە ڕۆژوو بشکێنێت جا تووشی بارگرانی ببێت یان تووش نەبێت، ابن تیمیە یەک دەنگی زانایان نەقل دەکات.