پرسیار: نوێژی جەژن لەکوێ ئەنجام دەدرێت؟
وەڵام: زانایان سەبارەت بە شوێنی نوێژی هەردوو جەژنەکان دەڵێن:
١- نوێژی جەژن لە (مصلی): سوننەتە نوێژی جەژن لە دەشت و دەرەوەی شار ئەنجام بدرێت، کە ئەمە وتەی زۆربەی زانایانە، وتەی حەنەفی و مالکی و حەنابلە و وتەیەکە لە وتەی شافعی یەکان.
٢- نوێژی جەژن لە مەککە: باشتر وایە خەڵکی مەککە نوێژی جەژن لە (المسجد الحرام) ئەنجام بدەن، ئیمام الشافعی و ابن عبد البر و النووي یەک دەنگی زانایان نەقل دەکەن.
٣- نوێژی جەژن ئەنجام دان لەناو مزگەوتدا: دروستە نوێژی جەژن لەناو مزگەوت ئەنجام بدەیت بێ کەراهەت ئەگەر عوزر هەبێت، ئیمام النووي یەک دەنگی زانایان نەقل دەکات.