دەقی وەڵام:

وەڵام: جیاوازی هەیە لەنێوان زانایان واجبە پیاو ئیزنی خێزانی بدات یان نە، دوو وتە هەیە:

وتەی یەکەم: سوننەتە پیاو ئیزنی پێ بدات ئەگەر ئەمین بێت لە فیتنە، ئەگەر ڕێگریشی بکات تاوانبار نابێت، کە ئەمە وتەی مالکی یەکان و شافعی یەکان و حەنابلە و وتەی زۆربەی زانایانە، بەڵگە:

- ئەم نەهییە بۆ کەراهەتە کە لەم فەرموودەیە نەهی کراوە) (. (المجموع) للنووي (٤/١٩٩).

- ئەگەر واجب بوایا لەسەر پیاو ئیزنی بدات ئەوە نەفی ئیزن وەرگرتن دەکات، لەبەر ئەوەی ئیزن وەرگرتن بۆ ئەوەیە ئەوەی ئیزن دەدات سەرپشکە لە ئیزن دان و ڕەت کردنەوەی. (فتح الباري) لابن حجر (٢/٣٨٤).

- مافی پیاو لە مالەوەی ئافرەت بە هەستان بە کارەکانی واجبە لەسەر ئافرەتە، نابێت وازی لێ بێنێت بۆ سوننەتێک. (المجموع) للنووي (٤/١٩٩).

وتەی دووەم: واجبە لەسەر پیاو ئیزنی بدات ئەگەر ئەمین بوو لە فیتنە، کە ئەمە وتەی ابن عبد البر و ابن حزم و شەوکانی و شنقطي و ابن باز و ابن عثیمینە، بەڵگە:

- کردەوەی ابن عمر کاتێک ئینکاری بیلالی کوڕی دەکات بە تووندی بەڵگەیە ڕێگری کردن لە ئافرەت حەرامە. (الشرح الممتع) لابن عثیمین (٤/٢٠٢). 

- وتەی: (لا تمنعوا إماء اللە مساجد اللە)، بەڵگەیە ئەم نەهی یە بۆ حەرام بوونە. (الشرح الممتع) لابن عثیمین (٤/٢٠٢).

وتەی ڕاست وتەی زۆربەی زانایانە، واللە اعلم.