پرسیار // ئایا دروستە قوربانی ھەندێکی لێ ھەلبگریت یان ھەمووی بۆ خۆت ھەلبگری ؟ ئایا لە قوربانی خواردن واجبە ؟
وەلام // زانایان دەلێن واجبە ھەندێک لە قوربانی ببەخشێت بە ھەژارەکان ئەگەر چی کەمیش بێت ، بەلگە :
پێغەمبەر سەلامی خوای لێ بێت سەبارەت بە قوربانی دەفەرمووێت : (( فَكُلُوا ، وَادَّخِرُوا ، وَتَصَدَّقُوا )) رواه مسلم (1971) .
واتە: لە قوربانی بیخۆن و ھەلیبگرن و بیبەخشن .
ئیمام النووی ڕەحمەتی خوای لێ بێت دەفەرمووێت : (( دەبێت قوربانی ببەخشرێت بە گوێرەی ناوەکەی کە لەسەریەتی ، چونکە مەبەست بە قوربانی بەزەیی و سوودە بۆ ھەژارەکان ، لەسەر ئەمە ئەگەر ھەمووی بخوات لەسەریەتی کە زەمانەتی بکات بە ماڵ . )) روضة الطالبين وعمدة المفتين " (3/223) .
ابن عثیمین ڕەحمەتی خوای لێ بێت پرسیار لێی کراوە : کەسێک ھەموو قوربانی یەکەی دروست دەکات بۆ خواردن لەگەڵ نزیکەکانی بێ ئەوەی ھیچ ببەخشێت ، ئایا ئەم کردەوەیە دروستە ؟
لە وەلام دا دەفەرمووێت : (( ئەمە ھەڵەیە ، چونکە خوای گەورە دەفەرمووێت : " لِيَشْهَدُوا مَنَافِعَ لَهُمْ وَيَذْكُرُوا اسْمَ الله فِي أَيَّامٍ مَعْلُومَاتٍ عَلَى مَا رَزَقَهُمْ مِنْ بَهِيمَةِ الْأَنْعَامِ فَكُلُوا مِنْهَا وَأَطْعِمُوا الْبَائِسَ الْفَقِيرَ " .
لەسەر ئەمە دەبێت ئێستا زەمانەتی ئەو گۆشتە بکەن کە خواردوویانە ، بۆ ھەر مەڕێک ھەندێک گۆشت ، دەبێت بکڕن و بیبەخشن . )) " مجموع فتاوى ابن عثيمين " (25/132) .
سەبارەت بە خواردن لە گۆشتی قوربانی زۆربەی زانایان و ھەر چوار مەزھەبەکان دەلێن سونەتە لێی بخۆی نەک واجبە ، ھەندێک زانا دەلێن واجبە کەمێکی ھەر لێ بخوات .
ئیمام النووی ڕەحمەتی خوای لێ بێت دەفەرمووێت : (( سەبارەت بە خواردن لە قوربانی سونەتە واجب نییە ، ئەمە وتەی تێکرای زانایانە ئیلا ئەوە نەبێت لە ھەندێک پێشینان نقل کراوە واجبە لێی بخۆیت لەبەر ڕووکەشی فەرموودە دەفەرمووێت : " لێی بخۆن " زۆربەی زانایان دەلێن ئەم فەرمان کردنە بۆ سونەتە یان إباحە )) "شرح صحيح مسلم " (13/131) .
ابن قدامە ڕەحمەتی خوای لێ بێت دەفەرمووێت : (( ئەگەر ھەموو قوربانی ببەخشێت یان زۆرینەی ئەوا دروستە . )) " المغني " (13/380) .
ـــــــــــــــــــــــــــــــــــــــــــــــــــــــــــــــــــــــــــــ