پرسیار // ئایا دروستە کار بکەیت لە سالۆنی جوانکاری ئافرەتان ؟
وەلام // زانایان دەلێن ئەسل وایە کارکردن لە سالۆن دروستە ، وە دەلێن کارکردن لە سالۆنی ئافرەتان ئەم دوو حالەتەیە :
حالەتی یەکەم / ئەگەر سالۆنکە بێ شەرعی و تاوانی تێدا نەبێت دروستە .
حالەتی دووەم / ئەگەر بێ شەرعی و تاوانی تێدا بێت نابێت حەڕامە .
بێ شەرعی و تاوانەکان وەک :
(١) پیاو لە سالۆن کاربکات بۆ جوانکاری ئافرەتان .
(٢) بینینی عەورەتی ئافرەت کاتی جوانکاری .
(٣) بەکارھێنان و ڕەشاندنی بۆن بەسەر ئەو ئافرەتەی دەڕازێنرێتەوە گومانی لەوەدا نییە ئەم بۆنە بۆ پیاوی بێگانە دەڕوات .
(٤) برۆ کردن و لاشە کوتان .
(٥) بڕینی قژ و بۆیاغ کردن بەشێوەیەک وەک ئافرەتانی کافر .
(٦) ....... (٧) .......
سەبارەت بە پاداشت وەرگرتن لەسەر جوانکاری ئافرەتان ئەم سێ حالەتانەن :
حالەتی یەکەم / دەزانێت ئەم جوانکارییە بۆ حەڕامە ، ئەمەیان نابێت جوانکاری بۆی بکات ، وە پاداشت وەرگرتنیش حەڕامە .
حالەتی دووەم / دەزانێت ئەم جوانکارییە بۆ شتێکی ڕێگەپێدراوە ، ئەمەیان دروستە جوانکاری بۆی بکات ، وە پاداشت وەرگرتنیش ڕێگەپێدراوە .
حالەتی سێیەم / گومانی بەزۆری بۆ ئەوە دەچێت ئەم جوانکارییە بۆ حەڕامە ، ئەمەیان دروست نییە جوانکاری بۆی بکات ، وە پاداشت وەرگرتنیش حەڕامە .
ئەگەر ئەم سالۆنانە بێ شەرعی تێدا بێت حەڕامە کاری تێدا بکەیت و وە نابێت دوکانیش بەکرێ بدەیتە ئەم سالۆنانە .
ــــــــــــــــــــــــــــــــــــــــــــــــــــــــــــــــــــــ