پرسیار // ئایا دروستە ئەگەر دوکانت بەکرێ دابێت بە نرخێک بەلام پێویستیت بە پارەیە کرێ پێشەکی وەربگری و بۆ کرێچیش ھەرزانتر بکەی ؟
وەلام // زانایان دەلێن دروستە کرێ دوابخرێت بە ڕەزامەندی ھەردوو لا ، وە دروستە کرێ پیشەکیش بدرێ ، واتە : پیش بخرێت بە ڕەزامەندی ھەردوو لا .
ابن باز ڕەحمەتی خوای لێ بێت دەفەرمووێت : (( دروستە کرێ دوابخرێت و پێش بخرێت بە گوێرەی ڕێککەوتنی ھەردوو لا کرێچی و خاوەنی کرێ ، لەبەر وتەی خوای گەورە دەفەرمووێت : " يَا أَيُّهَا الَّذِينَ آمَنُواْ أَوْفُواْ بِالْعُقُودِ " [المائدة من الآية: 1] ، وە لەبەر وتەی پێغەمبەر سەلامی خوای لێ بێت دەفەرمووێت : " موسلمانان لەسەر مەرجی خۆیانن . " ))
دروستە خاوەنی کرێ کرێی دوکان ھەرزان بکات بەو مەرجەی پێشەکی کرێی وەربگریت بە ڕێککەوتنی ھەردوو لا .
ـــــــــــــــــــــــــــــــــــــــــــــــــــــــــــــــــــــــــ