پرسیار // ئایا دروستە شتێکی ئەلکترۆنی تێک چوو بکڕیت ، وە بە پارەیێکی کەم تێک چوونەکەی چاک دەکرێتەوە ، بەلام بە کەسی فرۆشیار نەلێی چاک دەبێتەوە ، وە دواتر بۆ خۆت بفرۆشیت و قازانجی لێ بکەیت ؟
وەلام // سەرەتا زانایان دەلێن واجبە لەسەر کڕیار و فرۆشیار ڕاستگۆ بن لە گەل یەکتری ، چونکە ڕاست گۆی هۆکاری بەدەست هێنانی بەرەکەتە ، پێغەمبەر سەلامی خوای لێ بێت دەفەرمووێت : (( البیعان بالخیار ما لم یتفرقا فٳن صدق وبینا بورك لهما فی بیعهما وٳن كذب وكتما محقت بركة بیعهما )) رواە البخاری ، مسلم ، واتە : کڕیار و فڕۆشیار بە ئارەزووی خۆیان بۆ پەشیمان بوونەوە لە کڕین و فرۆشتن هەتا لە یەکتر جیا نەبووینەوە ، ئەگەر ڕاست بوون لە گەل یەکتر ، وە عەیبیان بۆ یەکتر ئاشکرا کرد خوای گەورە بەرەکەت دەخاتە کڕین و فرۆشتنیان ، بەلام ئەگەر درۆیان کرد و عەیبیان شاردەوە بەرەکەت نامێنێت .
سەبارەت بە شتێکی تێک چوو بەلێ دروستە بیکڕیت که کڕیاڕ بزانێت تێک چووە و فێلی لێ نەکراوە ، بەلام سەبارەت بە فرۆشیار نازانێت چاک دەبێتەوە ، دەلێین :
(۱) ئەگەر کڕیار بزانێت چاک دەبێتەوە ، وە دەزانێت فرۆشیار نازانێت کە چاک دەبێتەوە ، زانایان دەلێن نابێت چونکە ئەمە فێل کردنە لە فرۆشیار .
لەوانەیە یەکێک بلێت ئەی بۆچی فرۆشیار تاوانبار نابێت چونکە فرۆشیار وادەزانێت فلانە شت تێک چووە و چاک نابێتەوە چۆن دەبێت شتێک بفرۆشیت بە کەسێک چاک نەبێتەوەو هیچ سوودی لێ نەبینێت ؟
دەلێین زۆر شت هەیە تێک چووە و خودی شتەکە چاک نابێتەوە ، بەلام کڕیار دەکڕێت بۆ ئەوەی موادی ئامێرەکە بەکاربهێنێت یان سوودی لێ وەربگرێت بۆ شتێکی تر .
(۲) ئەگەر کڕیار بزانێت چاک دەبێتەوە وە نازانێت فرۆشیار نازانێت چاک دەبێتەوە ، زانایان دەلێن دروستە .
زانایان دەلێن ئەگەر فرۆشیار مەرج دابنێت لە فرۆشتن بلێت پەشیمان بوونەوە نەما و کۆتای هات وە کەل و پەلەکەش عەیبدار بوو ، دەلێن :
(۱) ئەگەر فرۆشیار بزانێت کە عەیبدارە و وە کڕیار نازانێت ، ئەمەیان حەڕامە و ، وە کڕیار بۆی هەیە کەل و پەلە بۆ فرۆشیار بگەرێنێتەوە .
(۲) ئەگەر فرۆشیار نەزانێت کە عەیبدارە وە کڕیاریش نازانێت ، ئەمەیان دروستە و وە کڕیار بۆی نییە کەل و پەلەکە بۆ فرۆشیار بگەرێنێتەوە .
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ