پرسیار // ئایا دروستە کڕین و فرۆشتن بە پەیکەر بکەیت ؟
وەلام // دروست نییە پەیکەری ڕوح لەبەر دروست بکەیت جا چ ھی مرۆڤ بێت یان بالندە یان ئاژەل ، هەر شتێک دروست کردنی حەڕام کرابێت دروست نییە کڕین و فرۆشتنی پێ بکەیت ، بەلگە :
فەرموودەی ابن عباس دەلێت : پێغەمبەر سەلامی خوای لێ بێت دەفەرمووێت سەبارەت بە عەرەق (خمر ) : (( ئەوەی خواردنەوەی عەرەقی حەڕام کردووە کڕین و فرۆشتنەکەشی حەڕام کردووە )). رواە مسلم (۱٥۷۹)
روایەتی احمد و ابو داود (۳٤٨٨) هاتووە دەلێت (( ان اللە اذا حرم علی قوم ٲكل شئ حرم علیهم ثمنه )) واتە : خوای گەورە ئەگەر خواردنی شتێک لەسەر قەومێک حەڕام بکات قازانجەکەیش حەڕام دەات .
پرسیار کرا لە ابن باز ڕەحمەتی خوای لێ بێت ئایا دروستە موسلمان کڕین و فرۆشتن بە پەیکەر بکات ؟
لە وەلام دا دەفەرمووێت : دروست نییە کڕین فرۆشتن بە پەیکەر بکات چونکە چەند حەدیس هاتوون کە نابێت پەیکەری روح لەبەر دروست بکەیت ، ......
بەلام ئەگەر پەیکەر سەری پێوە نەبوو دەلێن دروستە چونکە شێوە لەسەر دایە ، ابن عباس دەلێت : پێغەمبەر سەلامی خوای لێ بێت دەفەرمووێت : (( الصورة الرٲس فٳذا قطع الرٲس فلا صورة )) صححه الالبانی فی صحیح الجامع برقم ( ۳٨٦٤). واتە : وێنە لە سەر دایە ئەگەر سەر ببڕدرێت وێنە نەما .
وە فەرموودەی ابو هریرة رواه النسائی (٥۳٦٥) ڕوون وئاشکراییە.....کە وێنە لەسەر دایە .
هەندێک دەلێن تەنها لەم دوو حالەتە دەتوانی پەیکەر بکڕیت :
(۱) ئەگەر مادەیەکی تێدا بێت سوودی لێ وەربگریت ، پەیکەر بشکێنیت و سوودی لێ وەربگریت .
(۲) ئەگەر بکڕیت بۆ شکاندن بۆ ئەوەی خەلک بزانێت دروست نییە ، بۆ ئەوەی سەر نەکێشیت بۆ ئەوەی خەلک وابزانن دروستە کڕین و فرۆشتنی پێ بکەیت .
ـــــــــــــــــــــــــــــــــــــــــــــــــــــــــــــــــــــــــــــــــــــــــــ