دەقی وەڵام:

وەلام // زانایان دەلێن دروستە خزمەتکار بگریت جا چ پیاو بێت یان ئافرەت بەلام بە مەرج . ابن عثیمین ڕەحمەتی خوا لێ بێت دەفەرمووێت : (( نابێت خزمەتکار بگریت جا چ پیاو بێت یان ئافرەت ئیلا بە مەرج نەبێت ، سەبارەت بە خزمەتکاری ئافرەت : یەکەم // دەبێت خزمەتکار مەحرەمی لەگەل بێت ، ئەگەر مەحەرەمی لەگەل نەبێت ئەوە نابێت خزمەتکار بگریت لەبەر وتەی پێغەمبەر سەلامی خوای لێ بێت : (( لا تسافر امرأة إلا مع ذي محرَم )) واتە : ئافرەت با سەفەر نەکات ئیلا مەحرەمی لەگەل بێت . دووەم // دەبێت پێویستیان بە خزمەتکار هەبێت ، ئەگەر پێویستیان پێ نەبێت بەلکو تەنها بۆ خۆشی بێت یان ئیشێکی سووک و کەم بێت ، ئەمەیان ئەگەر بلێی دروستە جێگای تێڕوانینە . سێیەم // ترسی تووش بوون بە فیتنەی نەبێت ، ئەگەر ترسی ئەوەی هەبێت خۆی تووشی فیتنە بێت یان منالەکانی ــ ئەگەر منالی هەبوو ــ ئەوە دروست نییە خۆی تووشی فیتنە بکات . چوارەم // دەبێت پابەند بێت بە حیجاب ، ڕوخساری خۆی داپۆشێت و دەرنەخات ، دروست نییە ئەم وتەی خوای گەورە بکاتە بەلگە بۆ خۆی : (( وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلا يُبْدِينَ زِينَتَهُنَّ إِلا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ وَلا يُبْدِينَ زِينَتَهُنَّ إِلا لِبُعُولَتِهِنَّ أَوْ آبَائِهِنَّ أَوْ آبَاءِ بُعُولَتِهِنَّ أَوْ أَبْنَائِهِنَّ أَوْ أَبْنَاءِ بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ )) النور / 31 ، نابێت ئەمە بکەیتە بەلگە کە دروستە خزمەتکاری ئافرەت ڕوخساری خۆت دەربخات بۆ ئەوی کە لەلایەتی ، چونکە خزمەتکار مولکی نییە بەلکو بەکرێ لە لایەتی ، بە کرێی گرتووە وەک بێگانە وایە بۆ حیجاب . پێنجەم // نابێت بە تەنیا لەگەلی بمێنێتەوە ، ئەگەر بە تەنیا لە مالەوە بوو ئەوە بە هیچ شێویەک دروست نییە خزمەتکاری ئافرەت بهنێت ، ئەگەر لە مالەوە کەسی لەگەل بوو مالەوە دەربچن ئەو و خزمەتکار بەتەنیا بمێننەوە ئەمەیان نابێت ، لەبەر وتەی پێغەمبەر سەلامی خوای لێ بێت دەفەرمووێت : (( لا يخلون رجل بامرأة إلا مع ذي محرَم )) واتە : پیاو با بەتەنیا لەگەل ئافرەت مەمێنێتەوە ئیلا مەحرەمی لەگەل بێت . )) ٲسئلة باب المفتوح رقم ٦۱۹ ابن باز ڕەحمەتی خوای لێ بێت دەفەرمووێت : (( شوفێر و خزمەتکار هەدووکیان حوکمی پیاوی بێگانەیان هەیە ، دەبێت خۆی لێ دابپۆشێت وە مەحرەم نین ، وە نابێت ئافرت خۆی بۆ هەردووکیان دیار بخات و بە تەنیا لەگەلیان بمێنێتەوە لەبەر وتەی پێغەمبەر سەلامی خوای لێ بێت دەفەرمووێت : (( لا يخلون رجل بامرأة فإن الشيطان ثالثهما )) وە لەبەر عمومی واجبی حیجاب و وە حەڕامی خۆ دەرخستن بۆ بێجگە لە مەحرەمەکان ، وە نابێت گوێڕایەلی دایک و بێجگە لە دایک بکەیت لە شتێک سەرپێچی کردنی خوای گەورە تێدا بێت )) ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ