پرسیار // ئایا دروستە ھەدییە یان پارە بدەم بە کەسێک فەرمانبەری حکومەتە بۆ ئەوەی ئیشەکانم زوو بڕوێنێت ؟
وەلام // زانایان دەلێن نابێت بەھیچ شێوەیەک ھەدیە یان پارە بدەیت بە فەرمانبەری حکومەت بۆ خێرا ڕوواندنی ئیش و کارەکان ، ئەم ھەدییە یان پارە پێدانە بەرتیل دانە و حەڕامە ، بەرتیل دان ھۆکارە بۆ خراپ بوونی بەندە و ئەو شارە ، وە لە تاوانە گەورەکانە .
عن عَبْدِ اللَّهِ بْنِ عَمْرٍو رضي الله عنهما قَالَ : (( لَعَنَ رَسُولُ اللَّهِ صَلَّى اللَّهُ عَلَيْهِ وَسَلَّمَ الرَّاشِي وَالْمُرْتَشِي . )) صححه الألباني في " رواه أحمد (6791) وأبو داود (3580) ، إرواء الغليل" (2621) .
واتە : پێغەمبەر سەلامی خوای لێ بێت نەفرەتی لەو کەسە کردووە بەرتیل دەدات و بەرتیل وەردەگرێت .
فەرمانبەر دەبێت تەقوای خوا بکات و واستە بۆ خەلک نەکات لەسەر شتێک مافی خەلک نییە ، وە جیاوازی لە نێوان کەسی نزیک و بێگانە نەکات ، وە بەرتیل وەرنەگرێت بۆ ڕوواندنی ئیش و کاری خەلک ، چونکە حەڕامە و خەلک خراپ کردن و شار وێران کردنی تێدایە ، بۆ بەرتیل فەرمانبەر یان ئەوەی واستە کات ڕۆلێکی زۆری ھەیە دەتوانێت بەرتیل بنبڕ بکات بە وەرنەگرتنی .
ـــــــــــــــــــــــــــــــــــــــــــــــــــــــــــــــــــــــــــــــــــــــــ