سەردێری پرسیار:حوکمی خواردنەوەی شیری خێزانی خۆت ؟

بەرواری دانان :2018-11-01 کۆدی پرسیار:769

پرسیار:

پرسیار // ئایا دروستە پیاو شیری خێزانی خۆی بخواتەوە ؟ ئایا ئەگەر خواردییەوە لێک جیا دەکرێنەوە ؟

دەقی وەڵام:



وەڵام // شیر خواردنی ژن ئەو کاتە ژن دەبێتە دایکی شیری و کەسەکە دەبێتە مناڵی شیری ئەگەر :

(۱) شیر خواردنەکە لە دوو ساڵی سەرەتایی ژیانی مناڵەکە بێت پێش ئەوەی دەست بە خوارد بکات .

(۲) مناڵەکە پێنج جار ( واتە پێنج ژەم ) تێر شیر بخواتەوە لەو ژنە .

کەواتە دەڵێین باشتر وایە واز لەم شیر خواردنەی خێزانی بهێنێت ، ئەگەر خواردی دەلێین کاریگەری نەبووە لەسەر وتەی زۆربەی زانایان ، وە پیاو نابێتە منالی شیری خێزانی خۆی وە لێکیش جیا ناکرێنەوە .

ابن عثمین ڕەحمەتی خوای لێ بێت دەفەرمووێت : (( شیر خواردنی کەسی گەورە کاریگەری نییە ، ئەوەی کاریگەری هەبێت ئەو شیر خواردنەیە لە دوو سالی یەکەمی سەرەتای ژیانی پێش خواردن و وە دەبێت پێنج جار ( واتە پێنج ژەم ) تێر شیری لێ بخواتەوە ، کەواتە ئەگەر یەکێک شیری خێزانی خۆی بخواتەوە نابێتە منالی شیری خێزانی خۆی )) فتاوی اسلامیة ج۳ لاپەڕە ۳۳٨

سەبارەت بە فەرموودەی عائشە دەفەرمووێت : سهلەی کچی سوهەیل وتی : ئەی نێردراوی خوا سالم مەولای ابی حذیفه لە گەل ئێمەیە لە مالەوە ، هەروەها پێگەیشتووە واتە بالغ بووە ، من هەست دەکەم شتێک چووبێتە دلی پیاوەکەم ابی حذیفه ، پیغەمبەر سەلامی خوای لێ بێت فەرمووی : (( شیری پێ بدە تۆ لێی حەڕام دەبی ، وه ئەوەی لە دلی پیاوەکەت دا دروست بووە ئەویش نامێنێت )) گەڕاوە وتی : من شیرم پێ دا ، وە ئەوەی لە دڵی پیاوەکەم هەبوو ئەویش نەما . رواە مسلم (۱٤٥۳) .

روایەت هاتووە سەهلە دەلێت : (( مەولای ابی حذیفة گەورە بووە خاوەن ڕیشە ، ....)) مسلم

لەم فەرموودەیە ئاماژەی بۆ ئەوە نەکردووە کە چۆن شیری داوە بەو گەنجە زانایان دەلێن :

(۱) لەوانەیە شیری لەناو قاپێک کردبێت گەنجەکەش خواردبێتەوە .

(۲) لەوانەشە ڕاستەوخۆ شیری خواردبێتەوە لە ژنەکە ، چونکە حالەتی پێویست بوون دروستە .

سەبارەت بەم فەرموودەیە دوو وتە هەیە :

یەکەم : هەندێک زانا دەلێن شیر خواردنی کەسێکی بالغ جێگیر دەبێت هەروەک چۆن بۆ مناڵ جێگیر دەبێت ، کە ئەمە وتەی عائشە ، عطاء ، داود ، ابن حزمه .

دووەم : زۆربەی زانایان دەلێن شیر خواردنی کەسێکی بالغ جێگیر نابێت ، وە جیاوازی هەیە بۆ لێک دانەوەی ئەم فەرموودەیە :

(۱) هەندێک زانا دەلێن ئەم فەرموودەیە تایبەتە بە سالم مەولای ابی حذیفة .

ئیمام شافعی رەحمەتی خوای لێ بێت دەفەرمووێت : (( هذ - واللە ٲعلم - فی سالم مولی ٲبی حذیفة خاصة )) الام ج٦ لاپەڕە ۷۹ ، واتە : ئەمەیان خوا زاناترە تایبەتە بە سالم مەولای ابی حذیفة.

(۲) هەندێک زانا دەلێن ئەوەی سالم منسوخە .

(۳) هەندێک زانا دەلێن ئەم حوکمە تایبەتە بە سالم و هەر کەسێکی تری وەک سالم هەمان حالەت ڕووبدات ، کە ئەمە وتەی ابن تیمییە ، ابن قیم ، شوکانی ، ابن عثیمینه .

دەلێین وتەی ڕاست وتەی زۆربەی زانایانە ، وە وتەی ڕاست وتەی سێیەمە شیر خواردنی کەسێکی بالغ جێگیر نابێت وە ئەم فەرموودەیە تایبەتە بە سالم و هەر کەسێکی تری وەک سالم لەو کاتە شیر دەخواتەوە و دەبێتە منالی شیری ئەو ژنە کە لێی دەخواتەوە ئەگەر کەسەکە بالغیش بێت .

ـــــــــــــــــــــــــــــــــــــــــــــــــــــــــــــــــــــــــــــــــ

لیستی بەشەکانی پرسیار و وەڵام