پرسیار // ئایا دروستە خۆت بشۆیت بەشەو ؟
وەڵام // زانایان دەڵێن دروستە ھەموو کاتێک خۆت بشۆیت جا چ شەو بێت یان ڕۆژ بێت ، چونکە ھیچ بەلگە نەھاتوون لە قورئان و سونەت کە نەھی کردبێت لە خۆ شۆردن لە کاتێکی تایبەت .
ھەندێک زانا دەڵێن باش نییە کاتی نێوان مغرب و عیشای خۆت بشۆی ، چونکە کاتی بڵابوونەوەی شەیتانەکانە ، بەڵام وتەی ڕاست دروستە خۆت بشۆیت بێ کەڕاھەت .
خاوەنی مطالب أولي النهى دەفەرمووێت : (( مەکروھ نییە بچیتە ناو حەمام بۆ خۆشۆردن پێش مغریب یان دوای مغریب ، لەبەر نەھاتنی ھیچ نەھیێکی تایبەت . )) "مطالب أولي النهى" (1/189) .
بەڵام زانایان دەڵێن باشتر وایە خۆت بە دوور بگریت لە ڕێشتنی ئاوی گەرم لە حەمام ، بۆ ئەوەی بەر جنۆکە نەکەوێت و ئازارت بدەن ، ئەمە زانراوە بە تەجڕوبە نەک فەرموودە ، ھیچ فەرموودە نەھاتوون بۆ نەھی کردن لە ڕێشتنی ئاوی گەرم لە حەمام .
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــ